Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazVac vaktsınasyn qansha adam aldy

2021 jyldyń 16 maýsym 2021 14:16

NUR-SULTAN. QazAqparat – Elimizde QazVac vaktsınasynyń 1-komponentin 41 myń adam aldy. Bul týraly QR DSM Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova aıtty, dep habarlaıdy QazAqparat tilshisi.

«QazVac vaktsınasy sáýir aıynyń sońynda jetkizile bastady. Sáýirdiń sońynda 50 myń, mamyrda taǵy da 50 myń vaktsına dozasy jetkizildi. Al maýsym aıynyń sońyna deıin 100 myń vaktsına dozasyn jetkizý josparlanyp otyr. Búginde QazVac vaktsınasynyń birinshi dozasymen shamamen 41 myń adam, ekinshi dozasymen 22 myń adam ekpe aldy. Barlyq óńirde vaktsına bar. Tek búgin Almatyda ǵana bitedi», - dedi komıtet tóraıymy Ortalyq kommýnıkatsııalar qyzmetindegi baspasóz máslıhaty barysynda.

Sonymen qatar ol vaktsına óńirlerde jetkilik kólemde bolǵan kezde ony saýda ortalyqtarynan da alýǵa bolatyndyǵyn basa aıtty.

«Bul oraıda 50 myń doza QazVac vaktsınasy óńirler sheginde 2 myńnan 6 myń dozaǵa deıin bólinedi. Sondyqtan óńirler bul vaktsınany saýda ortalyqtaryndaǵy nemese densaýlyq saqtaý uıymyndaǵy ekpe pýnktterinde júrgizýdi ózderi sheshedi», - dedi Aıjan Esmaǵambetova.


Avtor Marlan Jıembaı
Basty sózder: Koronavırýs, Vaktsına,
Joǵary qaraı