Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazVac vaktsınasyn klınıkalyq zertteý aıaqtaldy

2021 jyldyń 6 qyrkúıek 2021 13:34

NUR-SULTAN. QazAqparat – Otandyq QazVac vaktsınasynyń úshinshi kezeń boıynsha klınıkalyq zertteý jumysy aıaqtaldy.

Bul týraly Bıologııalyq qaýipsizdik problemalarynyń ǵylymı-zertteý ınstıtýtynyń bas dırektory, koronavırýsqa qarsy QazVac qazaqstandyq vaktsınanyń avtory Kúnsulý Zakarıa málim etti, dep habarlaıdy QazAqparat tilshisi.

«Búginde úshinshi kezeń boıynsha barlyq klınıkalyq zertteý aıaqtalyp, 9 shilde kúni sońǵy taldaý nátıjesi alyndy. Shildeniń sońyna deıin taldaý nátıjesi taǵy bir óńdelip, málimetterdiń statıstıkasy jasaldy. Bul jumysqa 3 myń adam qatysyp otyr. Sondaı-aq, shildeniń sońynda klınıkalyq zertteýdiń qorytyndy esebi ázirlendi. Qazirgi kúni qorytyndy esep Dárilik zattar men medıtsınalyq buıymdardy saraptaý ulttyq ortalyǵynyń saraptaýynan ótip jatyr, onyń nátıjesi áli kelgen joq. Degenmen bizdiń ázirlegen esepke qarap, alǵash otandyq vaktsınany klınıkalyq zertteý sátti júrgizildi dep aıtýǵa bolady», - dedi Kúnsulý Zakarıa OKQ-de ótken baspasóz máslıhatynda.

Sondaı-aq, otandyq ǵalym QazVac-tyń úshinshi kezeńine qatysty qorytyndy esep oń baǵa berilgen jaǵdaıda otandyq vaktsına týraly ǵylymı maqalalardyń jaryq kóretinin aıtty.

«Eger QazVac-tyń úshinshi kezeńi boıynsha barlyq klınıkalyq zertteý esebin Dárilik zattar men medıtsınalyq buıymdardy saraptaý ulttyq ortalyǵy maquldaǵan jaǵdaıda biz qazaqstandyq vaktsına týraly kópke tanymal jýrnaldarǵa maqala jarııa etpekpiz. Maqsat- otandyq ǵylymnyń jetistigin dáripteý. Ázirge qandaı jýrnal jáne maqalanyń qaı ýaqytta jarııalanatyny belgisiz», - deıdi ol.


Joǵary qaraı