Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazVac vaktsınasyn synaýdyń úshinshi kezeńi shildeniń ortasynda aıaqtalady

2021 jyldyń 8 shilde 2021 18:09

NUR-SULTAN. QazAqparat – Otandyq vaktsına jasaýshylar QazVac vaktsınasyn synaýdyń úshinshi kezeńi shildeniń ortasynda aıaqtamaq. Densaýlyq saqtaý mınıstrligi osy úshinshi kezeńniń qorytyndysy qashan jarııalanatyny týraly túsinikteme berdi, dep habarlaıdy QazAqparat.

«Shilde aıynda synaqtardyń úshinshi kezeńiniń alty aılyq merzim aıaqtalady. Bul merzim shilde aıynyń ortasynda bolady. Tıisinshe osydan keıin klınıkalyq synaqtardyń úshinshi fazasy boıynsha tıisti esepter resimdelip, dárilik zattardy saraptaý ortalyǵyna beriledi. Sońǵy qorytyndynyń qashan shyǵatyny ekpeni ázirleýshilerdiń Dárilik zattardy saraptaý ulttyq ortalyǵyna egjeı-tegjeı esepti qashan tolyq ótkizetinine baılanysty», - dedi vıtse-mınıstr Marat Shoranov.

Sondaı-aq, ol QazVac vaktsınasynyń Dúnıeúzilik densaýlyq saqtaý uıymynyń tirkeýine alynýy týraly pikir bildirdi.

«Bizdiń QazVac vaktsınasy boıynsha Otardaǵy Bıologııalyq qaýipsizdik ınstıtýtynyń ǵalymdary qazir Dúnıejúzilik densaýlyq uıymymen jumys istep, óz ótinimderin toltyryp jatyr. Sonymen qatar taǵy bir uıymdastyrý jumystary bar. Endi biz Dúnıejúzilik densaýlyq saqtaý uıymynyń mamandarymen birge kestege engizýge tyrysamyz. Qaraǵandyda shyǵatyn «Spýtnık V» vaktsınasynyń bizde tek qutyǵa quıylatynyn bilesizder. Jalpy Reseı Federatsııasy DDSU-men birge jumys istep jatyr. Jaqyn arada bizge málimet túsýi kerek. Ol endi DDSU-da tirkelse, dúnıejúzi moıyndaǵan dep esepteledi», - dedi Densaýlyq saqtaý mınıstriniń birinshi orynbasary.


Joǵary qaraı