Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazVac vaktsınasynyń klınıkalyq zertteý nátıjeleri qashan jarııalanady

2021 jyldyń 16 maýsym 2021 13:43

NUR-SULTAN. QazAqparat – QazVac vaktsınasynyń klınıkalyq zertteýiniń jan-jaqty parametrleri taıaý ýaqytta jarııalanady. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Medıtsına qaýymdastyǵy qazirgi ýaqytta qoldanýǵa engizilgen otandyq QazVas vaktsınasyn ázirleýdegi Qazaqstannyń joǵary jetistigin maquldaıdy. Ol klınıkalyq synaqtyń kezeńderinen ótti. Qazir klınıkalyq praktıkada tur. Bul vaktsınany bıologııalyq qaýipsizdik salasynda jumys isteıtin bizdiń jetekshi salalyq mamandar da qýattaıdy. Densaýlyq saqtaý júıesindegi barlyq mamandar bul áleýetti joǵary baǵalaıdy», - dedi mınıstr Ortalyq kommýnıkatsııalar qyzmetindegi baspasóz máslıhaty barysynda.

Sonymen qatar ol vaktsınaǵa qatysty aqparattardyń áli kúnge qoljetimdi bolmaı otyrǵandyǵyn túsindirip ótti.

«Bilim jáne ǵylym mınıstrligi, Bıologııalyq qaýipsizdik máseleri ınstıtýty birqatar reıtıngtik jýrnalǵa birneshe maqalalaryn jiberdi. Nusqaýlyqta negizgi aqparattar, qoldaný nusqaýlyǵy, tıimdiligi, kórsetkishter men qarsy kórsetkishteri boıynsha pozıtsııasy qamtylǵan. Halyqqa jetkizilgen. Azamattarǵa vaktsınatsııa barysynda aıtylady. Taıaý ýaqytta klınıkalyq zertteýdiń jan-jaqty parametrleri jarııalanady. Bul rette eshqandaı qupııa joq. Bul taza protsedýralyq protsess», - dedi Alekseı Tsoı.


Joǵary qaraı