Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Raıymbek aýdanynyń halqy jerdiń joqtyǵynan ne mal ustaı almaı, ne egin ege almaı otyr

2022 jyldyń 24 mamyr 2022 08:24

TALDYQORǴAN.QazAqparat - Almaty oblysyndaǵy Raıymbek aýdanynyń halqy jerdiń joqtyǵynan ne mal ustaı almaı, ne egin ege almaı otyr. Bul máseleni olar óńir basshysy Qanat Bozymbaevpen kezdesý barysynda kóterdi, - dep habarlaıdy QazAqparat tilshisi.

«Aýdan turǵyndarynyń ál-aýqaty jermen tikeleı baılanysty. Іri kompanııalarǵa jaqsy jer ýchaskeleri bólinip berilip, ol jerler maqsatyna saı paıdalanylmaı, tipti múlde paıdalanylmaı jatqan jaıttar da kezdesedi, biraq memleket menshigine qaıtarylmaǵan. Maǵan da, basqaǵa da joq dep bulaı qarap otyrýǵa bolmaıdy ǵoı. Biz ne mal basyn kóbeıte almaımyz, ne kartop egistigin ulǵaıta almaımyz. Sonyń bári sýarmaly jer men jaıylymnyń jetispeýinen týyndap otyr. Osyǵan shara qabyldap, jerge revızııa júrgizseńizder, sonymen birge jer ýchaskesin berý konkýrsyn uıymdastyrý men ótkizýge erekshe mán berýlerińizdi suraımyn», - dedi Raıymbek aýdanynyń turǵyny Maqsat Іlııasuly.

Qanat Bozymbaev jer máselesiniń turaqty baqylaýda ekenin jetkizdi.

«Jer máselesi kóp aýdanda bar, turǵyndar únemi jer jetpeıdi, jer zańnamalary buzylǵan dep másele kóteredi. Qazir meniń orynbasarym jetekshilik etetin arnaıy komıssııa óńirlerdi aralap júr. Shilde aıynda kórshi Kegen aýdanyna keledi. Ázirge aýdan ákimdikteri jergilikti jerde osy baǵytta belsendi jumys isteýi kerek. Jerge jaýapsyz qaraǵandar bolsa, olarǵa qatysty tıisti shara qabyldanady. Zań - bárine ortaq», - dedi Qanat Bozymbaev.

Atap ótsek, óńirlerde aýdan, qala ákimdikteri oblystyq jer ınspektsııasymen birlesip, paıdalanylmaı jatqan jerlerdi memleket menshigine qaıtarý jáne zań buzýshylyqty joıý jumystaryn júrgizýde. Bul rette Aýyl sharýashylyǵy mınıstrligi tarapynan oblystyń 16 aýdan, 1 qalasynda 450 myń ga jerge jospardan tys tekserý júrgizý tapsyrylǵan, sonyń ishinde Raıymbek aýdany da bar. Tıisti habarlamalar joldandy. Oǵan qosa prokýratýra organdarymen birlesken tekserýdiń nátıjesinde paıdalanylmaı jatqan 350 jer ýchaskesi anyqtalǵan.


Avtor Samal Qabysheva
Basty sózder: Zań, Jer máselesi, Almaty oblysy,
Joǵary qaraı