Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Referendým arqyly el azamattarynyń múddesin qorǵaý mehanızmi kúsheıedi - Májilis depýtaty

2022 jyldyń 19 mamyr 2022 07:20

TARAZ. QazAqparat – Konstıtýtsııaǵa túzetýler engizý boıynsha respýblıkalyq referendýmdy túsindirý maqsatynda Májilis depýtattary Meırambek Tólepbergen, Nazılıa Razzak jáne Gúldara Nurymova Jambyl oblysyndaǵy Aısha bıbi aýylynyń zııaly qaýym ókilderimen kezdesti.

Jıynda halyq qalaýlylary Konstıtýtsııalyq reforma azamattardyń eldi basqarý isine qatysý múmkindigin arttyratynyna jáne aldaǵy ýaqytta áleýmettik ádilettiliktiń ornaýyna jol ashatynyn aıtyp, aldaǵy naýqannan qalys qalmaýǵa shaqyrdy, dep habarlaıdy QazAqparat QR Parlamenti Májilisiniń baspasóz qyzmetine silteme jasap.

– Referendým – qoǵam arasynda qyzý talqylanyp, qoldaý taýyp otyr. Konstıtýtsııany búkilhalyqtyq daýys berý arqyly ózgertý – halyqtyń erkin bildirýiniń aıqyn kórinisi. Ózgeris az emes. Sonyń biri – Parlamenttiń róli kúsheıip, mártebesi artady. Májilisti qalyptastyrýdyń aralas modeli enedi, Parlamenttiń baqylaý fýnktsııalary da keńeıedi. ıAǵnı, azamattardyń múddesin qorǵaý mehanızmi kúsheıedi, – dedi Meırambek Tólepbergen.

Óz kezeginde Gúldara Nurymova referendým bolashaǵymyzdy aıqyndaıtyn izgi bastama ekenin alǵa tartyp, elimiz saıası ózgeristerdiń aldynda turǵanyn atap ótti.

Al Nazılıa Razzak aldaǵy aýqymdy reformalardy zańmen bekitý úshin bizge referendým qajet ekenin aıtty.

– Bul el damýy úshin mańyzdy qadam. «Halyq únine qulaq asatyn memleket» ıdeıasynyń naqty júzege asýynyń dáleli. Biz daýys berýshiler retinde osy naýqanǵa atsalysamyz. Bolashaq – jastardyń qolynda. Barlyq bastama solar úshin qolǵa alynyp jatyr. Sondyqtan bul is-sharanyń ortasynan áýeli jastardyń tabylýyna jol silteýimiz kerek, – dedi Aısha bıbi aýyldyq ardagerler keńesiniń tóraǵasy Jarqyn Qalybaev.

Jınalǵandardyń pikirinshe, bul referendým ádiletti, ári ashyq memleket qurýdyń bastamasy.


Joǵary qaraı