Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Referendým barysyn qadaǵalaýǵa 39 halyqaralyq baıqaýshy akkredıtteldi

2022 jyldyń 20 mamyr 2022 17:10

NUR-SULTAN. QazAqparat - Ortalyq referendým komıssııasy alǵashqy halyqaralyq baıqaýshylardy akkredıttedi, dep habarlaıdy QazAqparat Ortalyq saılaý komıssııasyna silteme jasap.

Ortalyq referendým komıssııasy «5 maýsymǵa taǵaıyndalǵan respýblıkalyq referendýmǵa halyqaralyq uıymdar men shet memleketterdiń baıqaýshylaryn akkredıtteý týraly» qaýly qabyldady.

Syrtqy ister mınıstrliginiń usynysy boıynsha akkredıtteýge 3 halyqaralyq uıymnan jáne 5 shet memleketten 39 baıqaýshy usynyldy.

Onyń ishinde: 6 baıqaýshy TMD-dan baıqaýshylar mıssııasynyń quramynda; 5 baıqaýshy – Túrki memleketteri uıymy baıqaýshylar mıssııasynan; 17 baıqaýshy – TMD PAA-dan, sondaı-aq Ázerbaıjan, Belarýs, Bolgarııa, Grýzııa, Moldova elderinen 11 baıqaýshy akkredıtteldi.

Akkredıtteýge usynystardyń kelip túsýine qaraı baıqaýshylar jónindegi derekter jańartylyp otyrady.

Halyqaralyq baıqaý ınstıtýtyn Ortalyq referendým komıssııasy 6 mamyrda ashty.

Halyqaralyq uıymdar men shet memleketterdiń baıqaýshylaryn akkredıtteý 2022 jylǵy 30 mamyr saǵat 18:00-ge deıin jalǵasady.



Joǵary qaraı