Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Referendýmda 11 óńir halqy jaqtap daýys berse Konstıtýtsııaǵa ózgeris engiziledi

2022 jyldyń 12 mamyr 2022 11:31

NUR-SULTAN. QazAqparat – 5 maýsymda ótetin respýblıkalyq referendým kezinde 17 óńirdiń 11-i Konstıtýtsııaǵa engiziletin ózgeristerdi jaqtasa, onda oń sheshim qabyldanady. Bul týraly QR Ádilet vıtse-mınıstri Alma Muqanova málim etti, dep habarlaıdy QazAqparat tilshisi.

«Referendýmǵa 1 ǵana másele shyǵarylady, ıaǵnı Konstıtýtsııaǵa túzetýler engizý. Eger 11 óńirdegi halyqtyń kópshiligi jaqtap daýys berse, onda túzetýler qabyldandy dep esepteledi. Eger bul kórsetkishke qol jetkizilmese, onda túzetýler qabyldanbaıdy. Nelikten 11 qala? Túsindirip óteıin. «Respýblıkalyq referendým týraly» Konstıtýtsııalyq zań boıynsha referendýmǵa shyǵarylatyn máselege qatysýshy óńirler (oblystar, respýblıkalyq mańyzy bar qalalar) azamattarynyń keminde úshten ekisi jaqtap daýys berse, onda sheshim qabyldanady», - dedi Alma Muqanova Ortalyq kommýnıkatsııalar qyzmetinde ótken baspasóz máslıhatynda.

Búginde elimizde 17 óńir bar.

«Aıta keteıin, jańa 3 oblysty (Abaı, Ulytaý, Jetisý oblystary) qurý týraly jarlyq bıyl 8 maýsymnan bastap qoldanysqa engiziledi. Al referendým 5 maýsymda ótedi. Osylaısha 17 óńirdiń úshten ekisi – 11 óńirdi quraıdy. Konstıtýtsııaǵa túzetýlerdi engizý týraly sheshim qabyldaý tolyǵymen halyqtyń erkine berilip otyr», - deıdi ol.

Eske sala keteıik, bıyl 5 maýsymda QR Konstıtýtsııasyna birqatar ózgeris pen tolyqtyrý engizý boıynsha respýblıkalyq referendým ótedi.


Joǵary qaraı