Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Reforma jónindegi referendým Ekinshi Respýblıka qurýǵa quqyqtyq negiz qalyptastyrady – Qarın

2022 jyldyń 5 mamyr 2022 21:18

NUR-SULTAN. QazAqparat – Reforma jónindegi referendým Ekinshi Respýblıka qurýǵa quqyqtyq negiz qalyptastyrady. Mundaı pikirdi QR Memlekettik hatshysy Erlan Qarın bildirdi, dep habarlaıdy QazAqparat tilshisi.

«Búgin Prezıdent el Konstıtýtsııasyna ózgerister engizý jobasy boıynsha respýblıkalyq referendým ótkizý týraly Jarlyqqa qol qoıdy . Bul - Memleket basshysynyń aıryqsha saıası mańyzy bar mańyzdy sheshimi. Konstıtýtsııalyq reforma jónindegi referendým bul - prezıdenttik saıası reformalar baǵdarlamasyn júzege asyrýdyń kezekti kezeńi. Baǵdarlama júıeli sıpatqa ıe jáne sýperprezıdenttik modelden prezıdenttik respýblıkaǵa túbegeıli kóshýdi, birqatar bıliktik ókilettikterdi qaıta bólýdi, Parlamenttiń róli men mártebesin kúsheıtýdi, halyqtyń eldi basqarýǵa qatysýyn keńeıtýdi, azamattardyń quqyqtaryn qorǵaýdaǵy konstıtýtsııalyq tetikterdi kúsheıtýdi qamtıdy», - dedi Erlan Qarın.

Memlekettik hatshynyń atap ótýinshe, bul reformalar qoǵam men sarapshylardyń suranysy men usynysyna negizdelgen.

«Bul jolǵy Qazaqstandaǵy referendýmnyń ereksheligi Prezıdent óziniń ókilettigin keńeıtý úshin emes, kerisinshe bıliktiń basqa ınstıtýttarymen ony qaıta bólisýge bastamashylyq jasaýynda. Osylaısha, konstıtýtsııalyq reforma jónindegi aldaǵy referendým Ekinshi Respýblıkaǵa – memleket pen qoǵam ózara qarym qatynasyna jańa, barynsha tıimdi ári teńgerimdi modeline quqyqtyq negiz qalyptastyrady», - dedi Erlan Qarın.


Joǵary qaraı