Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Reseı dárigerleri Qazaqstan Respýblıkasynyń memlekettik nagradalarymen marapattaldy

2022 jyldyń 12 naýryz 2022 14:09

MÁSKEÝ. QazAqparat - Máskeýdegi Qazaqstan Elshiliginde koronavırýs ınfektsııasymen kúresýde qazaqstandyq áriptesterine kómektesken reseılik dárigerlerge Qazaqstan Respýblıkasynyń memlekettik nagradalary tabys etildi, dep habarlaıdy QazAqparat.

Elshilikten málim etkendeı, 2-dárejeli «Dostyq» ordenimen jáne «Shapaǵat» medalimen Máskeý jáne Máskeý oblysy aýrýhanalarynyń anestezıolog-reanımatologtary, ınfektsıonıstteri, pýlmonologtary, epıdemıologtary, barlyǵy 28 adam marapattaldy.

«2020 jyldyń jazynda Qazaqstanda indettiń sharyqtaý sheginde olardyń der kezinde kómek kórsetýi epıdemıologııalyq jaǵdaıdy turaqtandyrýǵa úlken úles qosty», - delingen dıplomatııalyq ókildik saıtynda.

Dárigerler aldynda sóz sóılegen Qazaqstan Respýblıkasynyń Reseı Federatsııasyndaǵy Elshisi Ermek Kósherbaev olardyń eń qajetti ári mańyzdy mamandyqtyń ókili ekenin atap ótti.




Sondaı-aq ol Qazaqstanǵa testiler, reagentter, vaktsınalar jetkizý jáne birinshi kezekte medıtsına brıgadalaryn jiberý túrindegi osy qaýipti vırýspen kúreste kórsetken kómegi úshin rızashylyǵyn bildirdi.




Óz kezeginde dárigerler Qazaqstan basshylyǵyna joǵary marapattary úshin alǵystaryn bildirdi.

Jýkovskıı Qalalyq klınıkalyq aýrýhanasynyń Anestezıologııa jáne reanımatsııa bóliminiń meńgerýshisi Stanıslav Arsentev bul onyń alǵashqy halyqaralyq syılyǵy ekenin aıtty. «Ol maǵan óte jaǵymdy kóńil-kúı beredi. Eńbegimdi baǵalaǵany úshin óte rızamyn. Qazaqstan men onyń halqyna alǵysym sheksiz. Baqytymyzǵa oraı, sátti aıaqtalǵan sol oqıǵalardy búgin taǵy bir eske túsirdik», – dedi ol.

Sondaı-aq, búgingi saltanatty sharada 2-dárejeli «Dostyq» ordenimen Reseı ǵylym akademııasynyń Reseı tarıhy ınstıtýtynyń jetekshi ǵylymı qyzmetkeri Dına Amanjolova marapattaldy. «Qazaqstan Respýblıkasynyń Táýelsizdigine 30 jyl» medaldarymen MMLÝ rektory Irına Kraeva, UZTÝ MBjQI rektory Alevtına Chernıkova, Reseı halyq sharýashylyǵy jáne Memlekettik qyzmet akademııasynyń joǵary korporatıvtik basqarý mektebi fakýltetiniń dekany Sergeı Kalendjıan, Reseı Densaýlyq saqtaý mınıstrliginiń Halyqaralyq yntymaqtastyq jáne qoǵammen baılanys departamentiniń dırektory Sergeı Mýravev marapattaldy. Máskeýdegi qazaq dıasporasynyń belsendilerine Qazaqstan Respýblıkasynyń Reseı Federatsııasyndaǵy Elshisiniń Alǵys hattary tabys etildi.

















Joǵary qaraı