Aýa raıy
Astana 28 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Reseı Qazaqstanǵa gýmanıtarlyq júk jiberdi

2020 jyldyń 8 shilde 2020 11:37

NUR-SULTAN. QazAqparat – Reseı Federatsııasy Qazaqstanǵa gýmanıtarlyq júk jiberdi. QazAqparat bul týraly QR Syrtqy ister mınıstrligine silteme jasap habarlaıdy.

«QR Premer-Mınıstri Asqar Mamınniń RF Úkimetiniń tóraǵasy Mıhaıl Mıshýstınmen COVID-19-ǵa qarsy is-qımyl boıynsha birlesken ýaǵdalastyqtarynyń jalǵasy retinde 8 shilde kúni Nur-Sultan qalasyna Reseı Federatsııasynyń Tótenshe jaǵdaılar mınıstrliginiń arnaıy bortymen gýmanıtarlyq júk jetkizildi.

RF gýmanıtarlyq júginde medıtsınalyq maskalar, qorǵanys kıimderiniń jıyntyqtary men medıtsınalyq preparattar bar. Qazaqstandaǵy gýmanıtarlyq kómektiń biryńǵaı operatory «SQ-Farmatsııa» JShS bolyp tabylady», - dedi mınıstrlikten.

Sondaı-aq aldaǵy jaqyn ýaqytta Reseıden taǵy birneshe reıs gýmanıtarlyq júk jetkiziletini atap ótildi.

«Qazaqstan Syrtqy ister mınıstrligi koronavırýs pandemııasymen kúreste kórsetken qoldaýy úshin Reseı Úkimeti men baýyrlas halqyna alǵysyn bildiredi», - dedi vedomstvodan.

Eske salaıyq, Asqar Mamın men Mıhaıl Mıshýstın COVID-19-ben kúrestegi birlesken sharalardy telefon arqyly talqylaǵan bolatyn. Reseı tarapy Qazaqstanǵa dári-dármek jáne shyǵys materıaldarymen birge test júıeleri túrinde gýmanıtarlyq kómek kórsetýge, sonymen qatar juqpaly aýrýlar gospıtaldary men vırýsologııalyq zerthanalardy ashý boıynsha mamandardy QR-ǵa jiberýge daıyn ekenin bildirgen edi.

Memleket basshysy Qasym-Jomart Toqaev RF Prezıdenti Vladımır Pýtınmen telefon arqyly áńgimesinde koronavırýspen kúreste elimizge gýmanıtarlyq kómek kórsetý týraly sheshim qabyldaǵany úshin rızashylyq bildirdi.

Al 6 shilde kúni Qazaqstanǵa RF-dan 32 dáriger keldi. Olar qazaqstandyq áriptesterine koronavırýspen kúreste kómek kórsetetin bolady. Mamandardyń bir bóligi Almaty qalasyna jiberildi.

Kúni keshe QR Densaýlyq saqtaý mınıstri Alekseı Tsoı men RF Densaýlyq saqtaý mınıstriniń orynbasary Oleg Grıdnevtiń onlaın kezdesýi ótip, olar klınıkalyq hattama, ǵylymı zertteýler ázirleý, vaktsına men onyń klınıkalyq synaǵyn qarastyrý, gýmanıtarlyq kómek jáne dári-dármek boıynsha birlesken ázirlemelerdi jetkizýdegi yntymaqtastyqty talqylady.


Joǵary qaraı