Aýa raıy
Astana 12 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Reseı koronavırýsqa qarsy vaktsınany álemde alǵashqy bolyp tirkedi

2020 jyldyń 11 tamyz 2020 16:02

NOVO-OGAREVO. TASS - QazAqparat – RF Prezıdenti Vladımır Pýtın úkimet múshelerimen jıyndy asha otyryp, Reseıde koronavırýs ınfektsııasyna qarsy vaktsına álemde alǵashqy bolyp tirkelgenin málimdedi. Bul týraly QazAqparat TASS-qa silteme jasap habarlaıdy.

«Meniń bilýimshe, búgin tańerteń jańa koronavırýs ınfektsııasyna qarsy álemdegi alǵashqy vaktsına tirkeldi», - dedi prezıdent.

Pýtın Densaýlyq saqtaý mınıstrliginiń basshysy Mıhaıl Mýrashkodan osy týraly tolyǵyraq málimet berýin surady.

«Men onyń aıtarlyqtaı tıimdi jumys istep jatqanyn bilemin, ımmýnıtetti aýrýǵa qarsy etip qalyptastyrady. Qaıtalaımyn, ol barlyq qajetti tekserýlerden ótti», - dedi reseılik kóshbasshy.

Budan buryn M.Mýrashko RF Densaýlyq saqtaý mınıstrligi N.F. Gamaleıa atyndaǵy ulttyq epıdemıologııa jáne mıkrobıologııa zertteý ortalyǵy jasap shyǵarǵan ekpeniń klınıkalyq synaqtan ótkenin málim etken bolatyn.

V.Pýtın atap ótkendeı, Reseıde tirkelgen koronavırýsqa qarsy vaktsınany jappaı shyǵarýdy taıaý ýaqytta bastaý qajet. Biraq ony egý erikti túrde júzege asyrylmaq.

«Biz taıaý ýaqytta jappaı shyǵara bastaımyz dep úmittenemin, eń bastysy osy», - dedi ol.

Sondaı-aq RF basshysy ýaqyt óte kele álemde koronavırýsqa qarsy kóptegen vaktsına paıda bolatynyna úmit bildirdi.


Basty sózder: Álem, Koronavırýs, Reseı,
Joǵary qaraı