Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Reseı-Ýkraına máselesi: Ulybrıtanııa Qazaqstanǵa sanktsııa engizýge nıetti emes ekenin rastady

2022 jyldyń 5 naýryz 2022 12:35

NUR-SULTAN. QazAqparat - Qazaqstan Syrtqy ister mınıstriniń orynbasary Roman Vasılenko Ulybrıtanııanyń Ortalyq jáne Ońtústik Azııa, Soltústik Afrıka isteri jónindegi Memlekettik mınıstri Lord Tarık Ahmadpen beıne-kezdesý ótkizdi, sondaı-aq Ulybrıtanııanyń Qazaqstandaǵy Elshisi Ketı Lıchti qabyldady, dep habarlaıdy QazAqparat.

QR Syrtqy ister mınıstrliginen málim etkendeı, suhbattastar Ýkraınadaǵy jaǵdaıdy jáne soǵys qımyldaryn toqtatý jáne taraptardy beıbit jolmen sheshýge qaıtarý boıynsha halyqaralyq deńgeıde qabyldanǵan qadamdardy talqylady.

«Brıtandyq tarap Reseıdiń Ýkraınadaǵy áskerı operatsııasyna baılanysty Qazaqstanǵa qatysty qandaı da bir sanktsııa engizýge nıetti emes ekenin rastady», - dedi mınıstrlikten.

Budan bólek, taraptar dıplomatııalyq qarym-qatynastardyń 30 jyly ishinde qol jetkizilgen ózara senim men keń aýqymdy ózara tıimdi yntymaqtastyqtyń joǵary deńgeıin atap ótti.

Kezdesý qorytyndysy boıynsha talqylanǵan taqyryptardyń barlyq spektri boıynsha tolyq ózara túsinistik rastaldy jáne ekijaqty qatynastardy odan ári belsendi jáne jan-jaqty damytýǵa ózara daıyndyq bildirildi.


Joǵary qaraı