Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde bir aptada 180 myńǵa jýyq adam koronavırýs juqtyrǵan

2020 jyldyń 29 qarasha 2020 15:24

MÁSKEÝ. TASS-QazAqparat – Reseıde bir apta ishinde koronavırýs juqtyrǵandar sany 179 987 adamǵa artty. Bul týraly jańa ınfektsııamen kúres jónindegi federaldy jedel shtab málim etti, dep habarlaıdy QazAqparat TASS agenttigine silteme jasap.

Bir aptadaǵy aýrýǵa shaldyqqandar sany qyrkúıektegi bir aılyq kórsetkishpen shamalas. Eske sala keteıik, qyrkúıek aıynda jalpy sany 180 967 adam vırýs juqtyrǵan edi.

Anyqtalǵan jaǵdaılar sany ótken aptadaǵy kórsetkishten 10,1% artyq. Ótken aptada 163 504 patsıent aýrýǵa shaldyqqan bolatyn.

Ólim jaǵdaılarynyń da sany artty. Sońǵy jeti kúnde 3 348 adam indetten kóz jumǵan. Al ótken aptada qaıtys bolǵan naýqastar sany 2 993 adamdy quraǵan edi.

Saýyǵyp shyqqandardyń sany da rekordtyq deńgeıge jetti.

Bir aptada Reseıde koronavırýs dıagnozy qoıylǵan 166 014 patsıent aýrýhanadan shyǵaryldy. Ótken aptada onyń sany 155 458 adam bolǵan edi.

Emdelip shyqqan reseılikterdiń úlesi 76,4% -dan 77,6% -ǵa deıin ósti.

Basty sózder: Statıstıka, Oqıǵa, Reseı, Koronavırýs,
Joǵary qaraı