Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde bir aptada 40 myńnan asa adam koronavırýs juqtyrdy

2020 jyldyń 20 qyrkúıek 2020 15:26

MÁSKEÝ. TASS-QazAqparat – Infektsııamen kúres federaldy jedel shtabynyń deregi boıynsha, Reseıde shilde aıynan beri alǵash ret bir apta ishinde koronavırýs juqtyrǵandar sany 40 myńnan asty, dep habarlaıdy QazAqparat TASS agenttigine silteme jasap.

Shtab málimetinshe, 14-20 qyrkúıek aralyǵynda 40 588 adam ınfektsııaǵa shaldyqqan. Bir apta buryn bul kórsetkish 37 306 bolatyn. 20-26 shilde aralyǵynda vırýs juqtyrý oqıǵalary eń joǵary kórsetkishke jetip, 40 939 adamdy qurady.

Infektsııaǵa shaldyqqandardyń ósimi jyldamdady. Apta qorytyndysy boıynsha 3,6%-dan 3,8%-ǵa deıin jáne táýligine ortasha eseppen 0,51%-dan 0,54%-ǵa deıin ósti.

Jazylyp shyqqandar sany qysqaryp, 33 132-ni qurasa, onyń aldyndaǵy 7 kúnde 35 276 naýqas aýrýhanadan shyǵarylǵan edi.

Shtab koronavırýstan 840 adamnyń kóz jumǵanyn habarlady, bir apta burynǵy kórsetkish – 758. 27 shilde men 2 tamyz aralyǵynda 859 ólim jaǵdaıy tirkelgen.

Jańa ınfektsııadan bolǵan ólimniń shartty kórsetkishi ózgergen joq. Shtab málimeti boıynsha 1,75%-dan 1,76%-ǵa ǵana artqan.


Basty sózder: Álem, Koronavırýs, Medıtsına,
Joǵary qaraı