Aýa raıy
Astana -19 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde izdeý salynǵan qylmysker Pavlodar oblysynda qolǵa tústi

2020 jyldyń 8 tamyz 2020 18:57

PAVLODAR. QazAqparat - Ertis aýdanynyń polıtseıleri reseılik jedel ýákilderimen birlesip izdeý jarııalanǵan qylmyskerdi qolǵa túsirdi, dep habarlaıdy Ravlodarnews.kz.

Pavlodar oblystyq polıtsııa departamentiniń málimetine sáıkes, «Qaýipsiz jol» jedel aldyn alý is-sharasyn ótkizý barysynda krımınaldyq polıtsııa qyzmetkerleri sharýa jáne fermer qojalyqtaryn teksergen.
- Sharýashylyqtardyń birinde er adam polıtseılerdiń nazaryn aýdardy, - dedi Ertis aýdandyq polıtsııa bólimi bastyǵynyń mindetin atqarýshy Serik Úsenov. - Surastyrý barysynda 37 jastaǵy er adam Reseı Federatsııasynan kelgeni anyqtaldy. Ony derekter bazasy boıynsha tekserý kezinde Máskeý qalasy boıynsha ІІM MM ońtústik-batys ákimshilik okrýgi boıynsha ishki ister basqarmasynyń jedel ýákilderi izdeý salǵany anyqtaldy.

Er adam 2019 jyldyń qyrkúıek aıynda jaıaý júrginshini qaǵyp ketip, zardap shegýshi jol-kólik oqıǵasy saldarynan dene jaraqatyn alǵan.
- Máskeý qalasynyń polıtseıleri osy fakti boıynsha Reseı Federatsııasy Qylmystyq kodeksiniń 264-baby, 1-bóligi – «jol qozǵalysy jáne kólik quraldaryn paıdalaný erejelerin buzý» boıynsha qylmystyq is qozǵady. Іzdeý salǵandarǵa er adamnyń ornalasqan jeri týraly habarladyq, - deıdi Serik Úsenov.

Aıta keterligi, jyl basynan beri Pavlodar oblysynyń polıtseılerimen qylmys jasaǵany úshin izdestirilip jatqan 69 adam anyqtalyp, ustalǵan.


Joǵary qaraı