Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde kópqabatty turǵyn úıde gaz jaryldy

2020 jyldyń 22 tamyz 2020 00:27

MÁSKEÝ. TASS-QazAqparat - Reseıdiń ıAroslavl qalasyndaǵy 10 qabatty turǵyn úıde gaz jaryldy, dep habarlaıdy QazAqparat TASS agenttigine silteme jasap.

On qabatty úıdiń 4-qabatynda turmystyq gaz jarylǵan. Apat saldarynan bir adam kóz jumyp, tórt adam zardap shekken.

«Jarylys saldarynan úshinshi, tórtinshi, besinshi qabattardyń ara jabyndysy qıraǵan», - dep málim etti shuǵyl qyzmet ókili.

Qazir apattan zardap shekkender týraly málimet tolyqtyrylyp jatyr. Turǵyn úıde 190 páter bar. Shuǵyl qyzmet ókilderi turǵyndardy qaýipsiz jerge shyǵarýǵa kiristi.

«Saǵat 19:29-de oqys oqıǵa týraly habarlanǵan. Sonda kelip jetken qutqarýshylar 10-qabatty úıdiń úshinshi qabattynan besinshi qabatyna deıin opyrylyp túskenin kórgen», - dep málim etti eldiń Tótenshe jaǵdaılar mınıstrliginiń baspasóz qyzmeti.

Oqıǵa ornynda 103 qutqarýshy men 29 tehnıka jumys istep jatyr. Sondaı-aq, úıindi astynan bir áıel men bala izdestirilip jatyr.


Foto/Svetlana Sergeeva-TASS


Perevod Jánibek Amangeldi
Basty sózder: Oqıǵa, Reseı,
Joǵary qaraı