Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde zańsyz oıyn bıznesin uıymdastyrǵan qazaqstandyq ustaldy

2021 jyldyń 9 qazan 2021 12:05

NUR-SULTAN. QazAqparat – Máskeý oblysy Hımkı qalasynyń aýmaǵynan transulttyq uıymdasqan qylmystyq toptyń bir múshesi ustaldy, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

2013-2018 jyldary Reseı men Qazaqstan azamattarynan quralǵan top qatysýshylary býkmekerlik keńse qyzmeti degen atpen zańsyz oıyn bıznesin – elektrondy kazıno uıymdastyrǵan. 39 jastaǵy er azamat qylmystyq jaýaptan qashyp júrgen, oǵan 2019 jyldan beri izdeý salynǵan. Qazirgi ýaqytta kúdikti RF Hımkı qalasynyń ýaqytsha ustaý oqshaýlaǵyshyna qamaldy. Ony Qazaqstan Respýblıkasyna ekstradıtsııalaý máselesi qaralyp jatyr.

Elordalyq polıtseıler jedel-profılaktıkalyq shara júrgizip, onyń barysynda 24 qylmysker ustaldy jáne iz-túzsiz joǵalǵan 17 azamattyń mekenjaıy anyqtaldy. QR aýmaǵynan tysqary izdeý salynǵan eki qylmysker ustaldy.


Joǵary qaraı