Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde jarylǵysh jasaıtyn tsehtaǵy órtten 15 adam qaza tapty

2021 jyldyń 22 qazan 2021 15:18

NUR-SULTAN. QazAqparat – 22 qazan tańerteń Rıazan oblysynda jarylǵysh zat óndiretin «Razrıad» kompanııasynyń tsehynda órt boldy. Sońǵy málimetter boıynsha sonyń saldarynan 15 adam kóz jumdy, dep QazAqparat TASS agenttigine silteme jasap.

Shılov aýdany Lesnoe poselkisindegi bul oqıǵaǵa qatysty aqparat Tótenshe jaǵdaılar mınıstrligine Máskeý ýaqytymen saǵat 08:22 kezinde habarlandy.

Órt bir qabatty tsehta bolǵan jáne onda jarylǵysh zat saqtalǵan. Órt 160 sharshy metr aýdanda aýyzdyqtalyp, qazirgi kezde qyzyl jalyn sóndirildi.

Belgili bolǵandaı, tseh ǵımaraty tolyqtaı qırap, opyrylyp túsken. Tek jekeleı qurylystar ǵana órt saldarynan buzylmaǵan.

Rıazan oblysynyń bıligi 15 adamnyń qaza bolǵanyn rastady. Atalǵan oqıǵa boıynsha RF tergeý komıteti tekserýdi bastap ketti.

Ǵımaratynda órt bolǵan «Razrıad» JShQ ónerkásiptik jarylǵysh zat shyǵarýǵa mamandanǵan. Sonymen qatar, kásiporyn oq-dárini ýtılızatsııalaýmen aınalysyp keldi.


Avtor Rýslan Ǵabbasov
Basty sózder: Álem, Reseı,
Joǵary qaraı