Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Reseıdegi halyqaralyq týrnırde Bekzat Nurdáýletov ózbek boksshysyn jeńdi

2021 jyldyń 23 sáýir 2021 00:10

NUR-CULTAN. QazAqparat - Reseıde bokstan Sankt-Peterbýrg gýbernatorynyń kýbogynda qazaqstandyq Bekzat Nurdáýletov jartylaı fınalǵa joldama aldy, dep habarlaıdy QazAqparat tilshisi.

Ol 81 keli salmaqta ózbek boksshysy Dılshod Rýzmetovpen qolǵap túıistirdi. Tóreshiler biraýyzdan jeńisti Bekzatqa berdi. Osylaısha ol jarysty jalǵastyrý múmkindigine ıe boldy.

Eki boksshy buǵan deıin de sheberlik baıqasqan bolatyn. Ekeýi 2019 jyly Reseıdiń Ekaterınbýrg qalasynda álem chempıonatynda sharshy alań tórinde taıtalasqa tústi. Sol joly qazaqstandyq sportshy qarsylasyn 5:0 esebimen tize búktirip, álem chempıony ataǵyna qol jetkizdi.

Esterińizge sala ketelik, búgin qazaqstandyq taǵy eki boksshy jartylaı fınalǵa shyqty.

Aıta keteıik, halyqaralyq týrnırde álemniń 15 elinen 100- ge tarta boksshy keldi. Qazaqstan atynan jarysqa 9 salmaqta 10 bylǵary qolǵap sheberi attandy. Olardyń arasynan 19 sáýirde Zakır Safıýllın 63 kelide qarsylasyna ese jiberip, jarystan shyǵyp qaldy.


Avtor Ádiljan Úmbet
Basty sózder: Sport, Boks,
Joǵary qaraı