Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Reseıdegi Qazaqstannyń Elshiliginde qazaqstandyq jup nekelesti

2020 jyldyń 7 tamyz 2020 20:43

NUR-SULTAN. QazAqparat - Reseıdegi Qazaqstannyń Elshiliginde qazaqstandyq medıtsına qyzmetkerleri – Danııar men Dınara nekege otyrdy, dep habarlaıdy QazAqparat tilshisi.

«Koronavırýs pandemııasy álemdegi dástúrli ómir súrý saltyn qatty ózgertip jiberdi. Alaıda týyndaǵan qıyndyqtarǵa qaramastan keıbir jastar irge qurap, otaý kóterip jatyr. Búgin Máskeýde Reseıdegi Qazaqstannyń Elshiliginde jastar nekege otyrdy», - dep habarlandy Elshiliktiń Facebook -tegi paraqshasynan.

Osylaısha 26 jastaǵy eki medıtsına qyzmetkeri Danııar Jıenǵalıev pen Dınara Salyqova otbasy quryp otyr. Qazirgi ýaqytta olar A.N.Bakýlev atyndaǵy Ulttyq medıtsınalyq júrek-tamyrly hırýrgııany zertteý ortalyǵy men N.N.Blohın atyndaǵy Ulttyq medıtsınalyq onkologııalyq zertteý ortalyǵynda eńbek etedi.





Otaý qurǵan jastar jeti jyl Aqtóbedegi M.Ospanov atyndaǵy BQO medıtsına ýnıversıtetinde bilim alǵan. Alaıda tek Máskeýde tanysqan. Máskeýde olar joǵaryda atalǵan medıtsınalyq ortalyqtarda ordınatýrada oqýyn jalǵastyrǵan. Tanysqanyna eki jyl bolǵan jastar úılenip, otbasy qurý týraly sheshimge kelgen.

«Elshilikke baryp nekemizdi tirkeıtinimizdi birden kelistik. Azdap alańdap turǵanymyzben baqyttymyz. Biz úshin búgin ertegige bergisiz baqytty kún», - deıdi Danııar men Dınara.

Іndetken baılanysty toı kúni keıinge shegerilip otyr. Alaıda jastar týyndaǵan qıyndyq mahabbattaryn tek qýattaı túsetinine senimdi.





Avtor Aıan Bekenuly
Basty sózder: QR ІІM, Reseı,
Joǵary qaraı