Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Reseıden dándi daqyldar tuqymyn ımporttaý problemasy sheshildi

2022 jyldyń 25 mamyr 2022 13:35

NUR-SULTAN. QazAqparat – Reseıden dándi daqyldar tuqymyn ımporttaý problemasy sheshildi. Bul týraly Aýyl sharýashylyǵy vıtse-mınıstri Ábilhaıyr Tamabek aıtty, dep habarlaıdy QazAqparat tilshisi.

«Buǵan deıin buqaralyq aqparat quraldary birneshe ret habarlaǵandaı, Reseıden dándi daqyldardy jetkizý problemasy boldy. Munyń sebebi Reseı tarapynyń daqyldardy eksporttaýǵa tyıym salýy edi. Tuqym boıynsha SEQ TN uqsas kody bolǵandyqtan, olarǵa da tyıym salynǵan», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, bul tuqymdar elimizge sortty jańartý jáne sortty aýystyrý úshin qajet. Sondyqtan másele Premer-Mınıstrlerdiń orynbasarlary deńgeıinde kóterildi. Nátıjesinde Reseı Federatsııasynyń Úkimeti tuqymdardy áketýge tyıym salýdy alyp tastap, olardy ruqsat berý tártibine aýystyrý týraly sheshim qabyldady.

«Bul qosymsha 14 myń tonnadan astam dándi daqyldar tuqymyn alýǵa múmkindik berdi. Qazaqstandyq agrarshylarǵa dándi daqyldar tuqymdarynyń kelisimshart jasalǵan partııalaryn alýǵa jol ashyp, sorttyq áleýetti kúsheıtti, - dedi Ábilhaıyr Tamabek.

Vıtse-mınıstrdiń dereginshe, tuqym sharýashylyǵyn qoldaýǵa bıyl jergilikti bıýdjetterde 11,8 mlrd teńge kózdelgen.

«Oblys ákimdikteriniń derekteri boıynsha bıyl shamamen 670,2 myń tonna tyńaıtqysh engizý josparlanǵan, bul ótken jylmen salystyrǵanda 43,7 myń tonnaǵa artyq. Búgingi tańda tyńaıtqyshtardy jetkizýge 408,6 myń tonna kóleminde kelisimshart jasaldy. Іs júzinde barlyq óńirde mıneraldy tyńaıtqyshtardy jóneltý bastaldy, agrarshylarǵa shamamen 308,1 myń tonna tyńaıtqysh tıeldi. Qoımalardaǵy qorlar, onyń ishinde ımporttyq tyńaıtqyshtar qalyptasty», - dedi ol.

Ábilhaıyr Tamabektiń aıtýyna qaraǵanda, fermerler tyńaıtqyshtardyń, onyń ishinde otandyq tyńaıtqyshtardyń qymbattyǵy máselesin kóterdi. Úkimet tıisti jumys jasayp, mıneraldyq tyńaıtqyshtardyń iri óndirýshisi - QazAzot kompanııasy óndiretin ammıak selıtrasynyń qunyn tonnasyna 200 myń teńgeden 160 myń teńgege deıin tómendetý týraly sheshim qabyldady.

«Bul rette mıneraldy tyńaıtqyshtardy satyp alýdy sýbsıdııalaýǵa 38,4 mlrd teńge, onyń ishinde respýblıkalyq bıýdjetten qosymsha 11,6 mlrd teńge bólingenin atap ótý qajet. ıAǵnı, satyp alynǵan tyńaıtqyshtar qunynyń 50 paıyzyn memleket óteıdi», - dedi vıtse-mınıstr.


Joǵary qaraı