Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Respýblıkalyq analar keńesine jan-jaqty qoldaý kórsetý qajet - Prezıdent

2021 jyldyń 21 qazan 2021 12:38

NUR-SULTAN. QazAqparat – Respýblıkalyq analar keńesine jan-jaqty qoldaý kórsetý qajet. Bul týraly Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Tórtinshi – Qazaqstan halqy Assambelıasyn odan ary damytý. Assambleıanyń qoǵamdyq qurylymdary aýqymdy etnosaralyq kommýnıkatsııaǵa jol ashýy kerek. Respýblıkalyq analar keńesiniń qurylýy osy baǵyttaǵy mańyzdy qadam», - dedi Qasym-Jomart Toqaev.

QR Prezıdentiniń atap ótýinshe, keńes elimizdegi birlik pen tatýlyqqa negiz bolyp otyrǵan qundylyqtardy jastardyń sanasyna sińirýge atsalysady.

«Halqymyzda «Otan - otbasynan bastalady» degen ataly sóz bar. Urpaqqa otbasynda durys tárbıe berý kerek. Bul aıryqsha mańyzdy mindet. Sondyqtan Respýblıkalyq analar keńesine jan-jaqty qoldaý kórsetý qajet»,- dedi Memleket basshysy.


Joǵary qaraı