Aýa raıy
Astana 9 °S
Almaty 19 °S
valıýta baǵamy
USD 421.58
EUR 496.83
RUB 5.53
CNY 62.20

Reıd: Prokýratýra 770 mln-nan astam teńgeniń medıtsınalyq buıymdaryn tárkiledi

2020 jyldyń 31 shilde 2020 16:34

NUR-SULTAN. QazAqparat - Memleket basshysy Qasym-Jomart Toqaevtyń tapsyrmasy boıynsha quqyq qorǵaý organdary dárilik zattardyń zańsyz aınalymy, olardy qoldan jasaý, sondaı-aq olardy joǵary baǵamen satý faktilerin anyqtaý boıynsha jumys júrgizýde.

Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, jumystyń tıimdiligin qamtamasyz etý maqsatynda barlyq óńirlerde prokýrorlardyń basshylyǵymen ekonomıkalyq tergeý, polıtsııa, memlekettik kirister jáne taýarlar men qyzmetterdiń qaýipsizdigin baqylaý qyzmetiniń qyzmetkerlerinen turatyn jumys toptary quryldy. Arnaıy júrgizilgen reıdterdiń barysynda 650 dárihananyń dárini joǵary baǵamen satý faktileri anyqtaldy.

«Almaty qalasynda koronavırýstyq ınfektsııadan emdeýde qoldanylatyn 60 myń dana jasandy dári-dármek («Tsefamed», «Tserakson», «Tseftazıdın», «Fızıotens») daıyndaý tsehy anyqtaldy. Osy fakti boıynsha QR QK-niń 222, 262 jáne 323-baptary boıynsha tergeý amaldary júrgizilýde, kúdiktiler qamaýǵa alyndy»,-delingen habarlamada.

Sonymen qatar onda dári-dármek tapshylyǵyn jasandy túrde týdyrý arqyly (tseftrıakson, azıtromıtsın, paratsetamol jáne t.b. bar bola tura) elordalyq dárihanalardyń biri olardy qosalqy úı-jaıynan (sertıfıkatsyz jáne fıskaldy chektersiz) joǵary baǵamen satqany aıtylǵan.

«Atalǵan dárihanadan jalpy somasy 1,7 mln. teńgege 2811 qaptamadaǵy dári-dármek alyndy. Batys Qazaqstan oblysynda Reseı Federatsııasymen shekarada tıisti qujattarsyz 5342 qaptama men 3160 ampýlany, sondaı-aq 10 mln.teńgeden astam somaǵa 2 myń medıtsınalyq buıymdy zańsyz ákelýdiń joly kesildi. Sot kináli tulǵaǵa 277 myń teńge kóleminde aıyppul salynyp, dári-dármek memleket paıdasyna tárkilendi. Dári-dármekter men medıtsınalyq buıymdar Densaýlyq saqtaý basqarmasyna berildi. Jalpy tekserý sharalarynyń qorytyndysy boıynsha 694 adam ákimshilik jaýapqa tartyldy, zańsyz aınalymnan jalpy 770 mln. teńgeniń 400 myńnan astam medıtsınalyq dári-dármekteri men medıtsınalyq maqsattaǵy buıymdary alyndy. Іri zalal keltirilgen faktiler boıynsha sotqa deıingi tergep-tekserý júrgizilýde. Kináli tulǵalardy jazalaýdyń bultartpastyǵyn qamtamasyz etý úshin qylmystyq isterdi tergeý jáne ákimshilik materıaldardy qaraý barysy prokýratýranyń baqylaýynda»,-delingen Bas prokýratýranyń aqparatynda.

Sonymen qatar materıalda adal kásipkerlerdiń quqyqtaryn buzý faktileriniń jolyn kesý maqsatynda prokýratýra janynan qurylǵan bıznesti qorǵaý jónindegi mobıldi toptardyń jumysy jandandyrylǵandyǵy aıtylady. Tekserý sharalary jalǵasýda. Sondaı-aq prokýratýra organdary sanıtarlyq-epıdemıologııalyq talaptardy buzǵany úshin sharalar qabyldaý kezinde zańdylyqty qamtamasyz etedi.

Belgilengen karantındik shekteýlerdi, onyń ishinde betperde rejımin buzǵany úshin Ákimshilik quqyq buzýshylyq týraly kodekstiń 425-babynyń 1-bóligi boıynsha jeke tulǵalarǵa 30 AEK mólsherinde aıyppul salýǵa ákep soǵatyn jaýapkershilik kózdelgen. Osy bap boıynsha 3467 adam jaýapqa tartyldy.

Mysaly, betperdesiz satyp alýshylarǵa qyzmet kórsetkeni úshin Almaty qalasyndaǵy dárihanalardyń birindegi farmatsevtke ákimshilik aıyppul salyndy. Sol sııaqty, qoǵamdyq kólikte betperdesiz júrgeni úshin azamatshaǵa aıyppul salyndy.

«Kiná moıyndalǵan jaǵaıda zańnama kináli adamǵa 7 táýlik ishinde aıyppuldyń jartysyn tóleýge quqyq beretinine nazar aýdaramyz. Ózge jaǵdaıda istiń naqty mán-jaılaryna súıene otyryp, ýákiletti organ aıyppul mólsherin 1/3 (30%) derbes qysqartýǵa quqyly»,-dep jazady prokýratýra organdary.


Joǵary qaraı