Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Rezıdent emes azamattar Qazaqstannyń sheteldegi elshilikterinen ETsQ ala alady

2022 jyldyń 2 qańtar 2022 00:18

NUR-SULTAN. QazAqparat - Rezıdent emes tulǵalar Qazaqstannyń sheteldegi mekemelerinen ETsQ ala alady, dep habarlaıdy QazAqparat.

Pılottyq joba sheńberinde beırezıdentter elektrondyq tsıfrlyq qoltańbalardy elimizdiń elshilikteri men konsýldyqtary arqyly ala alady.

Pılottyq jobany QR Tsıfrlyq damý, ınnovatsııalar jáne aeroǵarysh ónerkásibi mınıstrligi QR Syrtqy isteri jáne QR Іshki ister mınıstrligimen birge iske asyrdy.

Bul joba Vashıngton, Seýl, Bishkek, Máskeý, Praga, Dýbaı, Nıý-Iork, Sankt-Peterbýrg, Maındaǵy Frankfýrt, Ystanbul jáne Beıjiń qalalarynda ornalasqan Qazaqstan Respýblıkasynyń 11 dıplomatııalyq ókildiginde júzege asady.

Jobanyń negizgi maqsaty – áleýetti shetel ınvestorlarynyń Qazaqstannyń onlaın aýktsıondaryna qatysý múmkindigin qamtamasyz etý.

Rezıdent emes jeke tulǵalar ETsQ-ny «bir tereze» qaǵıdaty boıynsha ala alady.

Ol úshin shetel azamattardyń ózimen birge tólqujaty, tólqujatynyń elektrondyq kóshirmesi (pdf formatynda), aty-jóniniń kırıllıtsaǵa, qajet bolǵan jaǵdaıda latyn álipbıine (pdf formatynda) notarıaldy kýálandyrylǵan aýdarmasynyń elektrondyq kóshirmesi jáne USB-flash jınaqtaýshy (ETsQ kiltterin saqtaý úshin) bolýy qajet.

Rezıdent emes zańdy tulǵalar aldyn ala Qarjy mınıstrligi Memlekettik kirister komıtetiniń saıtynda tirkelip, BSN-di onlaın alý arqyly ETsQ-ny Qazaqstan Respýblıkasynyń shet elderdegi mekemelerinen de ala alady.

Qyzmet 2 jumys kúni ishinde tegin kórsetiledi.

Joǵary qaraı