Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rıdderde 8 mln teńge salynǵan seıfti urlap ketken 2 adam ustaldy

2021 jyldyń 28 qyrkúıek 2021 15:53

RIDDER. QazAqparat – Shyǵys Qazaqstan oblysy Rıdder qalasynda 8 mln teńge salynǵan seıfti urlap ketken 2 adam ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna 35 jastaǵy jergilikti turǵyn habarlasqan. Óz sózinde ol saǵat 07.30-09.30 aralyǵynda belgisiz bireýlerdiń tereze arqyly úıine kirip, ishinde altyn saqına, qujattar, 1843 jyly shyǵarylǵan mys monetasy, «Eńbegi úshin» medali jáne 8 000 000 teńge saqtalǵan seıfti urlap ketkenin jetkizdi. Osynyń saldarynan keltirilgen materıaldyq shyǵynnyń jalpy mólsheri 10 mln teńgeni qurady.

«Jedel-izdestirý sharalaryn júrgizgen polıtsııa qyzmetkerleri buryn birneshe ret sottalǵan 30 jastaǵy eki jergilikti turǵyndy ustady. Olar urlanǵan múlikti ishinara qaıtarǵan. Qazirgi ýaqytta kúdiktiler ýaqytsha ustaý ızolıatoryna qamaýǵa alyndy», - dedi ShQO PD bastyǵy Saǵat Mádıev.

Atalǵan fakti boıynsha Qazaqstan Respýblıkasy Qylmystyq Kodeksiniń 188-baby 4-bóligine (Urlyq) sáıkes sotqa deıingi tergeý amaldaryn bastaldy.


Joǵary qaraı