Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rıdderde kópqabatty úıden órt shyǵyp, 20 adam evakýatsııalandy

2021 jyldyń 16 maýsym 2021 18:25

RIDDER. QazAqparat – Shyǵys Qazaqstan oblysy Rıdder qalasynda besqabatty úıden órt shyǵyp, 20 adam, onyń ishinde 5 bala evakýatsııalandy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 16 maýsymda qutqarýshylarǵa kópqabatty turǵyn úıdegi páterlerdiń biri órtenip jatqany týraly habar túsken.

Órt sóndirýshiler oqıǵa ornyna dereý jol tartty.

«Belgili bolǵandaı, besinshi qabatta ornalasqan páterde ot shyqqan. Qutqarýshylar jalyndy sóndirýge kirisip, podezden turǵyndardy evakýatsııalady. Gaz-tútinnen qorǵaý qyzmetiniń mamandary jalpy sany 20 adamdy, onyń ishinde 5 balany qaýipsiz jerge kóshirdi», - dep habarlady vedomstvo ókilderi.

Órtti birinshi bolyp baıqap qalǵan páter ıesiniń anasy qutqarýshylardy shaqyrǵan.

Ol jalyn sharpyǵan páterden 2 nemeresin alyp shyqty.

«Órt sóndirýshiler 13 sharshy metr aýmaqty sharpyǵan tilsiz jaýdy aýyzdyqtady. Qyzyl jalynnyń shyǵýyna – tońazytqyshtyń apattyq rejımi sebep bolǵan. Qaza bolǵandar men zardap shekkender joq», - delingen aqparatta.



Joǵary qaraı