Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rıdderde órtten zardap shekkenderge jańa turǵyn úılerdiń kilti tabystaldy

2021 jyldyń 22 shilde 2021 03:15

NUR-SULTAN. Qazaqparat - Rıdderdegi orman órtinen zardap shekkenderge arnalǵan úılerdiń qurylysy Úkimet belgilegen merzimnen buryn aıaqtaldy, dep habarlaıdy ShQO ákimdiginiń baspasóz qyzmeti.

Kóktemde Rıdderde jalpy aýdany 290 gektardy sharpyǵan órt bolyp, sonyń saldarynan 272 gektar orman men 30-dan astam turǵyn úı janyp ketti. Memleket basshysy Qasym-Jomart Toqaev zardap shekken turǵyndarǵa kómek kórsetý jónindegi jumysty jeke baqylaýyna aldy. Al, Shyǵys Qazaqstan oblysynyń ákimi Danıal Ahmetov «Botanıka» aýdanynan zardap shekkenderge arnalǵan bir qabatty 30 úı jáne jergilikti kópbalaly otbasylar úshin taǵy 2 úı salýdy tapsyrdy.

24 mamyr kúni QR Premer-mınıstri Asqar Mamın órtten zardap shekkendermen kezdesken bolatyn. Sol kezde ol úılerdiń qurylysyn 15 tamyzǵa deıin aıaqtaýdy tapsyryp edi. Biraq, júrgizilgen qarqyndy jumystyń nátıjesinde qurylys merzimnen buryn aıaqtaldy. Sonymen qatar, barlyq jańadan qonystanýshylarǵa aldyn ala ornatylǵan as úı jıhazy syılyq retinde berildi.




Danıal Ahmetovtiń tapsyrmasy boıynsha, ShQO ákiminiń orynbasary Azamat Muhamedchınov órtten zardap shekken 11 otbasy men kópbalaly bir otbasyna úıdiń kiltterin tabystady. Qalǵan 20 otbasy jańa úılerine jaqyn ýaqytta kiredi.

Jańa turǵyn úı kiltterin tabystaý rásiminen keıin A.Muhamedchınov jańa qonystanýshylardy Qurban aıt meıramymen quttyqtap, ár shańyraqqa amandyq, birlik pen baq-bereke tiledi.


























Joǵary qaraı