Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rıdderde saıajaıda shyqqan órt 114 sharshy metrdi sharpydy

2021 jyldyń 19 qyrkúıek 2021 20:16

RIDDER. QazAqparat – Shyǵys Qazaqstan oblysy Rıdder qalasynda saıajaıda shyqqan órt garaj ben monshaǵa jaıylyp ketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 19 qyrkúıekte Rıdderdegi «Qazaqstan» baý-baqsha qoǵamdastyǵynda ornalasqan saıajaı otqa oranǵan. Oqıǵa ornyna órt sóndirýshiler dereý kelip jetti. Sol kezde tilsiz jaý saıajaıdan garaj ben monshaǵa tarap ketken.

«Úıden shyqqan qyzyl jalyn basqa ǵımarattarǵa tez tarady. Óıtkeni olar bir shatyrdyń astynda bolǵan. Órtti sóndirýge jeke quramnan 14 adam men 3 avtotsısterna jumyldyryldy. Kóp uzamaı jalpy aýdany 114 sharshy metrdi quraǵan jalyn tolyqtaı aýyzdyqtaldy», - dep habarlady vedomstvo ókilderi.





Qazirgi málimet boıynsha órttiń shyǵý sebebi retinde elektr jabdyqtaryn montajdaý jáne paıdalaný kezinde órt qaýipsizdigi talaptaryn saqtamalmaǵan degen boljam aıtyldy.

Esterińizge sala ketsek, osyǵan deıin Óskemen qalasynda monsha kesheni órtengendigin habarlaǵan bolatynbyz.



Joǵary qaraı