Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Rıo-de-Janeıro koronavırýsqa baılanysty karnavaldan bas tartty

2021 jyldyń 22 qańtar 2021 16:20

NUR-SULTAN. QazAqparat. – Rıo-de-Janeıro bıligi jyl saıyn ótetin áıgili karnavaldan bas tartty. Bul týraly qala meri Edýardý Paıst óziniń Twitter paraqshasynda jazdy,dep habarlaıdy QazAqparat.

Qyrkúıek aıynda Rıo-de-Janeırodaǵy karnavaldy uıymdastyrýshylar koronavırýs jaǵdaıyna baılanysty ony 2021 jyldyń aqpan aıynda ótkizýden bas tartqan bolatyn. Al qarashada samba mektepteriniń lıgasy halyqty vaktsınatsııalaýda jetistikter bolsa, sharany shilde aıynda ótkizýdi usynǵan edi.

«Men karnavalǵa degen qushtarlyǵymdy esh jasyrǵan emespin jáne osy mádenı sharanyń qalamyz úshin ekonomıkalyq mańyzdylyǵy týraly kózqarasymdy da aıtqan bolatynmyn. Alaıda qazir karnavaldy shilde aıynda ótkizemiz dep oılaýdyń maǵynasy joq», – dep jazdy Peıs.

Rıo-de-Janeıro meriniń aıtýynsha, mereke úlken daıyndyqty qajet etedi, al bul qazirgi kezde múmkin emes.

«Árıne, 2022 jyly biz (barlyǵymyz tıisti túrde vaktsınatsııalanǵanda) mádenıetimizdi ózimizge laıyq deńgeıde joǵary qarqynmen atap ótetin bolamyz», – dep qosty mer.

Rıodaǵy karnaval – samba mektepteriniń saltanatty sherýi, onyń barysynda ár mektep túrli sıýjetterdi sahnalaıdy. Mereke chempıondardyń sherýimen aıaqtalady. Karnaval kezinde sulýlyq konkýrstary, maskaradtar men kostıýmder konkýrstary da ótkiziledi.

Aıta ketken jón, Brazılııa – COVID-19 pandemııasyna eń kóp ushyraǵan memleketterdiń biri. Sońǵy málimetter boıynsha elde koronavırýsty juqtyrýdyń 8 697 368 jaǵdaıy tirkeldi, 214 147 adam qaıtys boldy.


Basty sózder: Álem, Koronavırýs, Mádenıet,
Joǵary qaraı