Aýa raıy
Astana 14 °S
Almaty 17 °S
valıýta baǵamy
USD 386.70
EUR 427.15
RUB 6.06
CNY 54.57

Robot Fedor ǵaryshta qıyn jaǵdaıǵa tap boldy

2019 jyldyń 25 tamyz 2019 16:25

BAIQOŃYR. QazAqparat – Bortynda robot Fedor bolǵan Baıqońyr ǵarysh aılaǵynan ushyrylǵan «Soıýz MS-14» kemesi Halyqaralyq ǵarysh stansasyna (HǴS) belgilengen ýaqytta túıise almady, dep habarlaıdy QazAqparat tilshisi.

Pılotsyz keme HǴS-pen eki táýlik ótkennen keıin túıisedi dep josparlanǵan, daıyndyq sáti men túıisý protsesi tikeleı efırden kórsetildi. Biraq, 24 tamyzda túıisý tehnıkalyq sebepterge baılanysty keme HǴS-pen avtomatty rejimde ótken joq.

Kemede toǵysý kezinde Halyqaralyq ǵarysh stansasynda ornatylǵan qurylǵydan aqaý shyqty. Ol qaýipsiz janasýǵa jáne shlıýzdeýge jaýap beredi. Osyǵan baılanysty, Ushýdy basqarý ortalyǵy HǴS jáne orbıtada jumys istep jatqan ekıpajdyń qaýipsizdigin qamtamasyz etý úshin kemeni qaýipsiz qashyqtyqqa alyp ketý týraly sheshim qabyldandy.

«Energııa» zymyran-ǵarysh korporatsııasynyń mamandary «Soıýz MS-14» kemesin qaıty toǵystyrý nusqasyn usyndy. Memlekettik komıssııa sheshimi boıynsha, 2019 jyldyń 26 tamyzynda «Soıýz MS-13» kemesin HǴS Reseı segmentindegi «Poısk» kishi zertteý modýlinde «Zvezda» qyzmettik modýlimen qaıta túıistirý josparlanyp otyr.

Bul operatsııa «Zvezda» qyzmettik modýliniń túıistirý túıinin bosatý maqsatynda júrgizilmek. Ol 2019 jyldyń 27 tamyzynda Máskeý ýaqytymen 06:12-de «Soıýz MS-14» kemesimen toǵysýy tıis, dep habarlaıdy Roskosmos baspasóz qyzmeti.

Jeksenbi, 25 tamyzda ekıpaj Halyqaralyq ǵarysh stantsııasynyń bortynda «Soıýz MS-13» ǵarysh kemesin aldaǵy qaıta toǵystyrýǵa jáne qaıta iske qosýǵa daıyndyq ótkizedi. Qazirgi ýaqytta «Soıýz MS-14» kemesi robot Fedormen qaıta túıisýdi kútip, Kúndi aınalyp júr. Jaǵdaı qıyn, biraq baqylaýda, dep atap ótti Roskosmos baspasóz qyzmetinen.


Avtory: Sara Qabıqyzy

Basty sózder: Baıqońyr, Ǵarysh, Qyzylorda oblysy,
Joǵary qaraı