Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

«Rolan Garros» týrnıri: Qazaqstandyq tennısshilerdiń qarsylastary anyqtaldy

2020 jyldyń 25 qyrkúıek 2020 10:45

NUR-SULTAN. QazAqparat – Parıjde «Rolan Garros» týrnıriniń jerebesi tartylyp, qazaqstandyq tennısshilerdiń qarsylastary belgili boldy, dep habarlaıdy QazAqparat tilshisi.

Áıelder arasynda Qazaqstannyń birinshi, álemniń 18-raketkasy Elena Rybakına alǵashqy aınalymda dúnıejúzilik reıtıngte 83-orynda turǵan rýmynııalyq Sorana-Mıhaela Kyrstıamen kezdesedi.

Frantsııa ashyq chempıonatynyń 14-raketkasy bolyp tirkelgen E.Rybakına 21-de bolsa, tájirıbeli qarsylasy bıyl 30-ǵa toldy.

Álemniń 27-raketkasy, 25-tegi ıÝlııa Pýtıntseva reıtıngte 79-satydaǵy taǵy bir tisqqan oıynshy, 34 jastaǵy belgııalyq Kırsten Flıpkenspen kortqa shyǵady.

Reıtıngte 76-orynda turǵan Zarına Dııas Týnıs eliniń jaryq juldyzy, álemniń 35-raketkasy Ons Jabermen sheberlik baıqasady.

Erler arasynda Qazaqstannyń birinshi, álemniń 56-raketkasy Aleksandr Býblık pen reıtıngte 87-orynda turǵan Mıhaıl Kýkýshkınge myqty tennısshiler tap boldy. A.Býblık Frantsııanyń basty úmiti, álemniń 9-raketkasy Gael Monfıspen, al M.Kýkýshkın reıtıngte 15-orynda turǵan ıtalııalyq Fabıo Fonınımen aıqasady.

Qazirgi kezde irikteý saıystary ótip jatqan «Rolan Garros» týrnıri (júlde qory – 38 mln eýro) 11 qazanda márege jetedi.

Ótken jyly erler arasynda ıspanııalyq Rafael Nadal chempıon atansa, áıelderden aýstralııalyq Eshlı Bartı úzdik shyqqan bolatyn. Bıyl R.Nadal sol ataǵyn saqtap qalý úshin synǵa túsetin bolsa, álemniń 1-raketkasy E.Bartı koronavırýs indetinen saqtanyp, maýsymdy erte aıaqtaǵandyqtan, dodaǵa qatyspaıdy.

2019 jyly qazaqstandyqtar onsha sátti óner kórsetken joq. Z.Dııas pen A.Býblık ekinshi, E.Rybakına, ıÝ.Pýtıntseva jáne M.Kýkýshkın alǵashqy aınalymnan asa almady.

Eske sala keteıik, budan buryn Dmıtrıı Popkonyń «Rolan Garros» týrnırinde irikteý saıystarynyń fınalynda utylyp qalǵanyn jazǵan bolatynbyz.




Avtor Eljan Eraly
Basty sózder: Sport,
Joǵary qaraı