Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Roman Sklıar Qazaqstannyń ınvestıtsııaǵa tartymdylyǵynyń úsh faktoryn atady

2022 jyldyń 12 mamyr 2022 15:59

NUR-SULTAN. QazAqparat – Qazaqstannyń ınvestıtsııalyq saıasatynyń jańa tujyrymdamasy ázirlenedi. Bul týraly QR Premer-Mınıstriniń birinshi orynbasary Roman Sklıar aıtty, dep habarlaıdy QazAqparat tilshisi.

«Qazaqstan saıası jáne áleýmettik-ekonomıkalyq ózgerister jolynda óz tarıhynyń jańa paraǵyn ashady. Qazaqstan Prezıdenti Qasym-Jomart Toqaev osy jyldyń naýryzynda «Jańa Qazaqstan» tujyrymdamasyn jarııa etti. Atalǵan tujyrymdama qoǵamnyń barlyq ómirin qamtıdy jáne zań shyǵarýshy bılik ınstıtýtyn nyǵaıtýǵa, árbir Qazaqstan azamatynyń saıası sheshimder qabyldaý protsesine qatysý múmkindigin keńeıtýge baǵyttalǵan. Taıaýda jańa Úkimet jasaqtalyp, onyń aldyna áleýmettik-ekonomıkalyq máselelerdi sheshý mindeti júkteldi. Sonymen qatar Qazaqstannyń ınvestıtsııalyq tartymdylyǵyn arttyrý úshin ınvestıtsııalyq saıasattyń jańa tujyrymdamasy ázirlenedi», - dedi Roman Sklıar elordada ótip jatqan Qazaqstan-german bıznes forýmynda.

Onyń atap ótýinshe, álemdik ekonomıkadaǵy týrbýlenttilik jaǵdaıda Qazaqstan men Germanııa arasyndaǵy ózara tıimdi yntymaqtastyqty damytý birinshi orynǵa shyǵady.

«Eki el ortaq qundylyqtardy bólisedi jáne beıbitshilik pen turaqtylyqty nyǵaıtýdy jaqtaıdy. Qazaqstan tartymdylyqtyń úsh faktoryna ıe: energııanyń ártaraptanǵan kózderi, logıstıka jáne mol tabıǵı resýrstar. Bizde jasyl energııa óndirisine jáne ony odan ary eksporttaýǵa mol áleýet bar. Qytaıdan Eýropaǵa júk tasymaldaýda da elimizdiń tranzıttik áleýeti arta túsedi», - dedi birinshi vıtse-premer.


Joǵary qaraı