Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Roman Sklıar ShQO-da turmystyq qaldyqtar polıgonyndaǵy qurylysqa túsinik berdi

2021 jyldyń 3 mamyr 2021 17:29

NUR-SULTAN. QazAqparat – QR Premer-Mınıstriniń orynbasary Roman Sklıar Shyǵys Qazaqstan oblysynda qatty turmystyq qaldyqtardy óńdeý boıynsha polıgon qurylysy týraly aıtyp berdi, dep habarlaıdy QazAqparat tilshisi.

«Shyǵys Qazaqstan oblysy ákimdiginiń málimetinshe, Semeı qalasynda qatty turmystyq qaldyqtardy basqarý júıesin jańǵyrtý jobasy memlekettik-jekeshelik áriptestik aıasynda iske asyrylmaıdy. Qazirgi kezde Semeıde 1998 jyly salynǵan, 69,11 gektar aýmaqty alyp jatqan qatty turmystyq qaldyqtardy kómetin polıgon bar. Eýropalyq qaıta qurý jáne damý bankimen (EQQDB) yntymaqtastyq aıasynda atalǵan polıgondy jańǵyrtý boıynsha jobany júzege asyrýǵa taldaý men zertteý júrip jatyr», - dep jazdy R. Slıar depýtattyq saýalǵa bergen jaýabynda.

Osy oraıda ol 2018 jyldyń 5 maýsymynda ShQO ákimdigi EQQDB-men aldyn ala kelisimdi bekitkenin eske saldy.

Onyń aıtýynsha, halyqaralyq standarttarǵa saı keletin birlesken jobany iske asyrý qatty turmystyq qaldyqtardy kádege jaratý problemasyn sheship, barlyq kezeńderde qaldyqtarǵa qatysty jumystardyń joǵary deńgeıine jetýge múmkindik beredi. Osynyń nátıjesinde SO2 (kómirqyshqyl gazy) shyǵyndylaryn 40 paıyzdan astam azaıtady.


Avtor Rýslan Ǵabbasov
Basty sózder:
Joǵary qaraı