Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Romano Prodı: Nursultan Nazarbaevtyń eńbegin erekshe baǵalaımyn

2020 jyldyń 1 jeltoqsan 2020 12:38

NUR-SULTAN. QazAqparat – Italııanyń burynǵy Premer-mınıstri Romano Prodı Elbasy Nursultan Nazarbaevtyń eńbegine erekshe baǵa berip, Qazaqstandy Ortalyq Azııanyń negizgi qozǵaýshy memleketi retinde tanıtynyn aıtady, dep habarlaıdy QazAqparat tilshisi.

Italııanyń belgili saıasatkeri Qazaqstanda alǵash ret erterekte bir kelip ketken. Sodan beri Qazaqstannyń qalaı gúldenip kele jatqanyn óz kózimen kórgen. Romano Prodı bertin elordadaǵy Nazarbaev Ýnıversıtetiniń ashylýyna qatysyp, ǵalym retinde ondaǵy professorlardyń biliktiligine, bilimine erekshe tamsanǵan eken.

«Meniń oıymsha Nazarbaev Ýnıversıtetiniń ózi eldiń keleshegi úshin ashylǵan keremet bilim ordasy. Men jalpy bolashaqtyń bilimde ekenine ábden kózim jetken adammyn. Qazaqstan alyp elderdiń ortasynda ornalasqan, ıaǵnı geografııalyq turǵyda ornalasýynyń ózi kúrdeli. Álbette olarmen árdaıym beıbit kelisimde bolý kerek. Keıingi on jyldyqtarda Nazarbaev osy kelisimdi bekite bildi. Men shynynda da Nursultan Nazarbaevtyń keleshekke senimdi túrde qadam basý jolyndaǵy bul eńbegin erekshe baǵalaımyn. Qazaqstan halqy gúldenip, senimdi bolashaqqa qadam basa berýin tileımin», - deıdi Romano Prodı.


Joǵary qaraı