Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Rýdnyıda órtten 30 turǵyndy qutqarǵan polıtseıler marapattaldy

2020 jyldyń 8 tamyz 2020 12:29

RÝDNYI. QazAqparat – Rýdnyıda janyp jatqan bes qabatty úıdiń 30 turǵynyn qutqarǵan polıtseıler medaldarmen marapattaldy, dep habarlaıdy QazAqparat Polisia.kz saıtyna silteme jasap.

Іshki ister mınıstri Erlan Turǵymbaevtyń buıryǵymen Rýdnyı qalalyq Polıtsııa basqarmasynyń qyzmetkerleri Jánibek Ǵyılymhanov pen Nurbek Esqabyl «Quqyq tártibin qamtamasyz etýge qosqan úlesi úshin» medalimen marapattaldy.

Eske sala keteıik, 4 tamyz kúni bes qabatty úıdegi órt kezinde polıtsııa qyzmetkerleri turǵyndardy evakýatsııalap, qutqarǵan. Olardyń arasynda úsh aılyq bala bar. Jánibek Ǵyılymhanov úshinshi qabattyń balkonynda balasyn qushaqtap turǵan áıeldi baıqap qalady. Polıtseıdiń aıtýy boıynsha, eger ol balany kireberiske kirgizse, ol qoıý tútinge tunshyǵyp qalýy múmkin. Sondyqtan, sábıdi qutqarý úshin Jánibek tómengi qabattyń balkonynan úshinshi qabattyń balkonyna kóterilgen.

– Shaqalaqtyń anasy qatty qorqyp qalǵan, biraq men sabyrǵa shaqyryp, balany qulatyp almaıtynymdy aıttym. Ol maǵan nárestesi oralǵan jamylǵyny berdi. Úı turǵyndarynyń biriniń kómegimen biz balany túsirip aldyq. Ári qaraı páter turǵyndaryn balkonnan shyǵara bastadym , – deıdi sol kúngi oqıǵany eske alǵan polıtseı.


Basty sózder: Qostanaı oblysy, QR ІІM,
Joǵary qaraı