Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Rýhanı jańǵyrý» aıasynda shyqqan barlyq týyndylar da erkin taralýy tıis – Memlekettik hatshy

2021 jyldyń 22 qyrkúıek 2021 12:45

NUR-SULTAN. QazAqparat – ««Rýhanı jańǵyrý» aıasynda shyqqan barlyq týyndylar Qazaqstannyń ishinde de, syrtynda da erkin taralýy tıis. Bul týraly QR Prezıdenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń keńeıtilgen májilisinde QRO Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

Memlekettik hatshynyń atap ótýinshe, «100 jańa oqýlyq» jobasy aıaıasyndaǵy aýdarma basylymdar, «Rýhanı jańǵyrý» baǵdarlamasynyń aıasynda memlekettik qoldaýmen shyqqan barlyq týyndylar Qazaqstannyń ishinde de, syrtynda da erkin taralýy tıis. Memlekettik organdar avtorlyqty menshiktep, onyń taralýyna tyıym salmaýy qajettigin basa aıtty.

«Aýdarmashy daıyndaý, ony kásibı ósirý ońaı emes. Іskerlik, saıası aýdarma qıyn. Ǵylymı aýdarma odan da qıyn. Al kórkem aýdarma aýdarma óneriniń shyńy. Biz Rýhanı jańǵyrý baǵdarlamasy aıasyndaǵy aýdarma jobalardyń arqasynda qazaq aýdarma mektebin, aýdarmashylardyń ortasytsn kúsheıttik dep aıta alamyz. Esterińizde bolsa, Abaı danyshpandyǵynyń bir qyry aýdarmashylyq. 20 ǵasyrdyń basynda Alash qaıratkerleri de aýdarmaǵa den qoıdy. Keńestik zamanda da aýdarma arqyly qazaq mádenıetine kóp jańalyq keldi. Al 21 ǵasyrdaǵy jahandaný, áidebıetter arasyndaǵy alys-beristiń qazirgideı qyzǵan kezinde aýdarmanyń máni men mańyzy arta tústi», - dedi Qyrymbek Kósherbaev.

Ol bul jumystardy jalǵasýy kerektigin, oqýlyqtar jáne kórkem ádebıetpen ǵana shektelýge bolmaıtynyn basa aıtty.

«Táýelsizdigin nyǵaıtyp, ilgeri damyǵysy keletin, keleshekten úmiti zor biz sekildi elge aýdarmanyń bereri mol. Kózi ashyq, kókiregi oıaý, ulttyn súıetin, álemdik órkenıetten de habary mol, zamanǵa saı jańa Qazaqstan azamatyn tárbıleý úshin bizge jańa deńgeıdegi sapaly aǵartýshylyqqa den qoıý kerek», - dedi ol.


Joǵary qaraı