Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

«Rýhanı jańǵyrý» baǵdarlamasynyń birtutas aqparattyq júıesi qalyptasty - mınıstr

2020 jyldyń 29 qazan 2020 18:32

NUR-SULTAN. QazAqparat - «Rýhanı jańǵyrý» baǵdarlamasynyń birtutas aqparattyq júıesi qalyptastyryldy. Bul týraly Aqordada ótken Qoǵamdyq sanany jańǵyrtý jónindegi ulttyq komıssııa otyrysynda QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«El Prezıdenti Qasym-Jomart Kemeluly atap ótkendeı, qazirgi tańda «Rýhanı jańǵyrý» baǵdarlamasynyń memlekettik ıdeologııanyń mańyzdy baǵyty retinde qajettiliginde qoǵam tarapynan da, memleket tarapynan da kúmán joq. Ózderińiz bilesizder, osy ýaqytqa deıin 6 baǵyt boıynsha 13 joba bekitilip, olardyń aıasynda 10 myńnan astam is-shara ótti. Árıne, bul jerde biz úshin mańyzdysy – san emes, sapa. Óıtkeni, tájirıbe kórsetkendeı, keıbir jerlerde eseptilik, naýqanshylyq sııaqty úrdister oryn alǵany jasyryn emes. Bul týraly Elbasymyz da naqtylap aıtqan bolatyn», - dedi mınıstr.

Osyǵan oraı ol óńirlerdegi barlyq is-sharalarǵa qaıta taldaý jasalyp, rýhanı jańǵyrýǵa qatysy joqtarynyń qysqartylǵanyn atap ótti. Máselen, byltyrǵy jyldyń josparynda 229 is-shara kózdelgen bolsa, bıyl barlyǵy 97 tarmaq qana qaldyryldy.

Sonymen qatar Aıda Balaeva otyrysta Aqparat jáne qoǵamdyq damý mınıstrligi quzyretindegi jumystarǵa qysqasha toqtaldy.

»Búgingideı aqparattyq zamanda kez kelgen bastamanyń baıandylyǵy elge jóni durys, qoly jetimdi, kózge kórkem aqparat berýge baılanysty. Sondyqtan da, eń aldymen baǵdarlamanyń birtutas aqparattyq júıesi qalyptastyryldy. Onyń negizgi quraly retinde arnaıy «RRuh.kz» biryńǵaı ınternet-portaly, «Azamattyq alań» pikirtalas ortalyǵy men respýblıkalyq BAQ jáne áleýmettik jelilerde jumys júrgizetin baspasóz qyzmeti quryldy. Osynyń arqasynda bir ǵana 2020 jyldyń ishinde bul baǵytta uzyn sany 19 myńnan astam aqparattyq materıal jarııalandy. Sonyń ishinde, qazaqstandyqtardyń 70 paıyzy ınternet jelisinde otyratyndyǵyn eskere kele, onyń 15 myńnan astamy ınternet pen áleýmettik medıada kórinis tapty. Árıne, bul rette iri medıa-jobalardyń orny bólek. Osy oraıda, otandyq telekanal ekrandarynan jyl basynan beri 29 derekti fılm, 122 arnaıy baǵdarlama, 142 tanymdyq rolıkter toptamasy kórsetildi«, - dedi ol.

Mınıstrdiń aıtýynsha, sonyń nátıjesinde turaqty aqparattyq fon qalyptasyp, baǵdarlamaǵa degen eldiń nazary arta tústi.

»Áleýmettik zertteýler kórsetkendeı, «Rýhanı jańǵyrý» týraly osy kúni halyqtyń 80,7 paıyz habardar bolsa, 32,6 paıyz azamattarymyz baǵdarlama jumysymen tikeleı qamtylǵan«, - dedi Aıda Balaeva.


Joǵary qaraı