Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Rýhııa Baıdúken: «Slavıan bazarynda» jeńiske jetý – bala kúngi armanym

2021 jyldyń 19 shilde 2021 18:31

NUR-SULTAN. QazAqparat - Qazaqstandyq jas ánshi, «Slavıan bazary» halyqaralyq baıqaýynyń Gran-prı ıegeri Rýhııa Baıdúken jeńisten keıingi óz áserimen bólisti, dep habarlaıdy QazAqparat tilshisi.

«Slavıan bazary» baıqaýyn bala kúnimnen jibermeı qarap kelemin. Jyl saıyn asyǵa kútemin. Anama osy baıqaýǵa baryp qatysyp, jeńispen kelemin dep únemi aıtatynmyn. Jáne bala kúnimde osy saıysqa Qazaqstannyń atynan qatysatyn alǵashqy qyz bala bolamyn deıtinmin. Baıqaýǵa baratynym belgili bolǵan soń 3 aı boıy úzdiksiz daıyndaldym. Tipti osy baıqaýǵa qatysýym úshin 23 kelige aryqtadym. Jalpy ózim bala kúnimnen aldyma maqsat qoıyp, soǵan jetip kelemin», - dedi R. Baıdúken ZOOM alańynda ótken baspasóz máslıhatynda.

Sondaı-aq, jas ánshi aldaǵy ýaqytta da otandyq jáne sheteldik mýzykalyq jobalarǵa qatysqysy keletinin aıtty.

«Baıqaýǵa jalǵyz ózim bardym. Aldymen Belarýs astanasy Mınskide prezıdent orkestrimen daıyndyq ótkizdik, sosyn Vıtebskige bardyq. Baıqaý eki kúnge sozyldy, jeńiske jetetinime alǵashynda kúmándandym, sebebi qarsylastarym myqty boldy. Degenmen barynsha ózime senimdilik tanyttym», - deıdi ol.

Buǵan deıin habarlaǵanymyzdaı, Rýhııa Baıdúken óz jeńisin qazaq eline arnaıtynyn aıtty.

Aıta keteıik , 14 memleketten kelgen qatysýshy slavıan elinen shyqqan kompozıtordyń týyndysyn slavıan tobyna jatatyn tildiń birinde orkestrdiń súıemeldeýimen oryndady. Baıqaý nátıjesinde jerlesimiz Gran-prı ıegeri atanyp, «Altyn lıra» músinshesimen birge 20 myń AQSh dollaryna ıe boldy.

Baıqaý jeńimpazy Rýhııa Baıdúkendi Memleket basshysy Qasym-Jomart Toqaev arnaıy quttyqtady.

Odan bólek, jas ánshini jeńisimen elimizdiń Mádenıet jáne sport mınıstri Aqtoty Raıymqulova da quttyqtady.



Avtor Álı Ibraev
Basty sózder: Belarýs, Mádenıet,
Joǵary qaraı