Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Rýslan Jaqsylyqov QR Qorǵanys mınıstri laýazymyna taǵaıyndaldy

2022 jyldyń 19 qańtar 2022 15:09

NUR-SULTAN. QazAqparat - QR Prezıdentiniń Jarlyǵymen Rýslan Fatıhuly Jaqsylyqov Qazaqstan Respýblıkasynyń Qorǵanys mınıstri laýazymyna taǵaıyndaldy, dep habarlaıdy Aqorda.

«Rýslan Fatıhuly Jaqsylyqov Qazaqstan Respýblıkasynyń Qorǵanys mınıstri laýazymyna taǵaıyndalsyn», - delingen QR Prezıdentiniń jarlyǵynda.

Sonymen qatar Memleket basshysynyń ókimimen Rýslan Fatıhuly Jaqsylyqov Qazaqstan Respýblıkasy Іshki ister mınıstriniń orynbasary – Ulttyq ulannyń Bas qolbasshysy laýazymynan bosatyldy.

Jaqsylyqov Rýslan Fatıhuly 1966 jyly 4 naýryzda Almaty oblysynyń Qaskelen qalasynda qyzmetshiler otbasynda dúnıege keldi. Ulty – qazaq.

I, II dárejeli «Dańq» ordenimen, Túrkııa Respýblıkasy Qarýly Kúshteriniń Ordenimen jáne KSRO, TMD, Qazaqstan Respýblıkasynyń 40 medalimen nagradtalǵan. Pedagogıka ǵylymdarynyń kandıdaty. Áskerı ataǵy - general-leıtenant.


1983 jyly Almaty oblysy Qaskelen aýdanynyń Kırov atyndaǵy orta mektebin bitirgennen keıin I.S. Konev atyndaǵy Almaty joǵary jalpy áskerı komandalyq ýchılıesine komandalyq taktıkalyq basshylyq mamandyǵy boıynsha oqýǵa túsip, ony 1987 jyly bitirdi.

1996 jyly M.V.Frýnze atyndaǵy Áskerı akademııasyn komandalyq-shtabtyq jedel-taktıkalyq áskerı barlaý mamandyǵy boıynsha támamdady.

2004 jyly Reseı Federatsııasy QK Bas shtaby Áskerı akademııasynda memlekettiń áskerı qaýipsizdigi mamandyǵy boıynsha Joǵary akademııalyq kýrstaryn aıaqtady.

2003 jyly Shymkent qalasynyń máslıhaty 3-shi shaqyrylymynyń depýtaty bolyp saılandy.

1987 jáne 2006 jyldar aralyǵynda vzvod komandırinen bastap qurama komandırine deıingi ártúrli laýazymdarda qyzmet atqardy.

2006 jáne 2007 jyldar aralyǵynda Qazaqstan Respýblıkasy ІІM Іshki áskerleri Qolbasshysynyń orynbasary.

2007 jáne 2008 jyldar aralyǵynda Qazaqstan Respýblıkasy ІІM Іshki áskerleri Qolbasshysynyń birinshi orynbasary – Qazaqstan Respýblıkasy ІІM Іshki áskerler Bas shtabynyń bastyǵy.

2008 jylǵy 4 qyrkúıekten bastap Qazaqstan Respýblıkasy ІІM Іshki áskerleriniń Qolbasshysy.

2013 jylǵy 22 qantardan bastap Qazaqstan Respýblıkasy ІІM Іshki áskerleriniń Bas qolbasshysy.

2014 jylǵy 24 sáýirinen bastap Qazaqstan Respýblıkasy Ulttyq ulanynynyń Bas qolbasshysy.

2021 jylǵy 29 qyrkúıekten bastap Qazaqstan Respýblıkasy Іshki ister Mınıstriniń orynbasary – Ulttyq ulanynyń Bas qolbasshysy.

2022 jyldyń qańtar aıynan bastap QR Qorǵanys mınıstri.


Joǵary qaraı