Aýa raıy
Astana -3 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Sáken Seıfýllınniń 125 jyldyǵy: El ádebıetshileriniń forýmy ótedi

2019 jyldyń 18 qyrkúıek 2019 13:43

QARAǴANDY. QazAqparat - Qaraǵandyda 19-20 qyrkúıek kúnderi Sáken Seıfýllınniń 125 jyldyǵyna arnalǵan jas aqyndar men jazýshylardyń respýblıkalyq forýmy ótedi, dep habarlaıdy QazAqparat.

Oblys ákimdiginen málim etkendeı, ádebıetshilerdiń qarym-qatynasyna arnalǵan alań «Rýhanı jańǵyrý» baǵdarlamasy aıasynda uıymdastyryldy. Qatysýshylar qazirgi ádebıettiń jetistikterin, mádenı dástúrlerin jáne jańa trendterdi talqylaıdy.
Forým urpaqtar baılanysyn nyǵaıtýǵa múmkindik beredi. Oǵan búkil elden ataqty jáne jas aqyndar men jazýshylar jınalady. Olardyń arasynda Israıl Saparbaı, Júrsin Erman, Nesipbek Aıtuly, Ǵalym Jaılybaı, Qalqaman Sarın jáne taǵy basqalary bar.

«Abaı danalyǵy, Áýezov qaýyrsyny, Sáken joldary, Qurmanǵazynyń sıqyrly dybystary – bul rýhanı mádenıetimizdiń bir bóligi ǵana. Ulttyq salt-dástúrimiz, tilimiz ben áýenimiz, ádebıetimiz – bir sózben aıtqanda, ulttyq rýhymyz bizben máńgilik qalýy tıis. Osyny «Rýhanı jańǵyrý» baǵdarlamasy da kózdep otyr», - deıdi uıymdastyrýshylar.

Eki kúndik baǵdarlama pikirtalastar, tusaýkeserler jáne sheberlik sabatarǵa toly bolady. Forým qonaqtary Dolınka kentiniń saıası qýǵyn-súrgin qurbandaryn eske alý murajaıyna ekskýrsııaǵa da barady.


Joǵary qaraı