Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Salalyq jýrnalıstıkany damytýda mańyzdy kezeń bastalady - Aıda Balaeva

2021 jyldyń 21 qańtar 2021 15:18

ALMATY. QazAqparat - Alǵashqy 50 jýrnalıst osy jyldyń aqpan aıynda Sanjar Asfendııarov atyndaǵy Qazaq ulttyq ýnıversıtetinde oqı bastaıdy, dep habarlaıdy QazAqparat.

Vedomstvonyń málimetinshe , búgin Aqparat jáne qoǵamdyq damý mınıstri Aıda Balaeva Almatydaǵy Sanjar Asfendııarov atyndaǵy Qazaq ulttyq medıtsınalyq ýnıversıtetinde boldy.

Eske sala keteıik, Aqparat jáne qoǵamdyq damý mınıstrligi QazUMÝ-men qol qoıylǵan salalyq jýrnalıstıkany damytý jónindegi yntymaqtastyq týraly memorandýmdy júzege asyra bastady.

Kezdesýdiń negizgi kún tártibi - 2020-2021 jyldarǵa arnalǵan medıa salanyń mamandaryn daıarlaýdyń arnaıy josparyn talqylaý.

Kezdesý nátıjesinde, 2021 jyly aqpanda ýnıversıtet bazasynda jeke jáne memlekettik BAQ-tyń 50-den astam jýrnalısteri medıtsına boıynsha joǵary sapaly materıaldarǵa qol jetkizý úshin biliktilik pen bilim deńgeıin kóterý boıynsha jumysty bastaý jóninde ýnıversıtet basshylyǵymen naqty kelisim jasaldy.




Aıda Balaeva salalyq jýrnalıstıkany damytý boıynsha jumystyń mańyzdy kezeńi bastalatyndyǵyna nazar aýdardy.

Mınıstr oqytý barysynda jattyqtyrýshylar retinde jýrnalıstıka men medıtsına salasynyń jetekshi mamandary belsendi jumys júrgizýi kerek ekenin basa aıtty.

2021 jyly salalyq jýrnalısterdi oqytý boıynsha keshendi jumys júrgiziletin bolady.

Osy jumys sheńberinde belgili bir salada mamandardy daıarlaý bóliginde medıa saladaǵy zamanaýı tendentsııalar men buqaralyq aqparat quraldarynyń suranystaryn baqylaý, mýltımedııalyq bilim jáne aqparattyq platforma qurý, uzaq merzimdi jáne qysqa merzimdi oqytý kýrstaryn ótkizý boıynsha is-sharalar júrgiziledi.





Joǵary qaraı