Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Samal Eslıamova túsken «Barymtashylar. Ýaqyt joly» fılmi Frantsııanyń 21 qalasynda prokatqa shyqty

2021 jyldyń 29 shilde 2021 13:58

NUR-SULTAN. QazAqparat – Samal Eslıamova basty róldi somdaıtyn «Barymtashylar. Ýaqyt joly» fılmi Frantsııanyń 21 qalasynda prokatqa shyqty, dep habarlaıdy QazAqparat.

Qýanyshty habardy fılm prodıýseri ıÝlııa Kım Instagram jelisinde jazdy.

«Bizdiń «Barymtashylar. Ýaqyt joldary» fılmimiz aqyry Frantsııada prokatqa shyqty jáne 21 qalada kórsetiledi! Qıyndyqqa toly bir jarym jyl ishinde kóp kúsh-jiger jumsaldy. Karantın men sanıtarlyq sharalarǵa baılanysty shyǵarylym úsh ret toqtatyldy. Bastapqyda eńsemiz túsken edi, sodan keıin qaıtadan umtylyp kórýdi uıǵardyq. Sodan keıin qaıtadan. Óıtkeni, bul fılm úlken ekrandar úshin túsirilgen edi», - dep jazdy prodıýser.

Onyń aıtýynsha, POSITIF, TÉLÉRAMA, Le Polyester syndy tanymal kınobasylymdar fılmge qoldaý kórsetýde. Áıgili Le MONDE gazetiniń saıtynda da fılm týraly jaǵymdy pikir jarııalanǵan.

«Japondyq rejısser Lıza Takebamen birge túsirgen fılmimiz álemdik kınematograf otanynda kórsetilýde. Mundaı oqıǵa meniń ómirimde birinshi ret bolyp jatyr. Men Parıj kınoteatrlarynyń birine jasyryn kirgim keledi, bizdiń fılmdi frantsýz kórermenderimen birge kórip, olardyń reaktsııasyn sezgim keledi», - deıdi fılm rejısseri Erlan Nurmuhamedov.

29 shilde kúni Parıjde barlyq sanıtarlyq talaptar saqtalyp, fılmniń arnaıy kórsetilimi ótedi. Onda qazaqtyń ulttyq taǵamdary qoıylady.

Buǵan deıin Qazaqstan men Japonııa birlesip túsirgen «Barymtashylar. Ýaqyt joly» fılmi Frantsııada 16 jeltoqsanda prokatqa shyǵýy tıis bolatyn. Kartınanyń rejısserleri - Erlan Nurmuhambetov (Qazaqstan) jáne Lıza Takeba (Japonııa). Fılminiń óndirisine Qazaqstan tarapynan Sh.Aımanov atyndaǵy «Qazaqfılm» AQ, japon tarapynan – «Tokyo New Cinema» kompanııasy atsalysqan.

Basty rólderde Kann kınofestıvaliniń júldegeri Samal Eslıamova, tanymal japon akteri Mıraı Morııama, qazaqstandyq teatr jáne kıno akteri Dýlyǵa Aqmolda jáne jas akter Mádı Menaıdarov oınady.



Avtor Aıjan Serikjanqyzy
Basty sózder: Eýropa, Óner, Mádenıet,
Joǵary qaraı