Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Samara-Shymkent tasjolynda mas júrgizýshiniń kóliginen eki myltyq tabyldy

2021 jyldyń 11 qazan 2021 00:48

AQTÓBE. QazAqparat - «Samara - Shymkent» avtojolynda mas bolyp kólik tizgindegen júrgizýshi ustaldy, dep habarlaıdy QazAqparat.

Bul jaıynda Aqtóbe oblystyq polıtsııa departamenti Instagram paraqshasynda málim etti.

10 qazan kúni saǵat 02.00 shamasynda «Samara - Shymkent» tasjolynyń 795-shaqyrymynda patrýl polıtsııasynyń rota qyzmetkerleri Toyota Prado kóligin toqtatqan.

Tekserý kezinde júrgizýshiniń mas ekeni belgili boldy.

Avtomashınany qarap jatqanda onyń júksalǵyshynan tegis uńǵyly eki qarý tabyldy. Olardyń qujaty joq.

Sondaı-aq kólikte eki jolaýshy bolǵan.

Júrgizýshige qatysty Ákimshilik quqyq buzý kodeksiniń 608-babyna sáıkes is qozǵalyp, hattama toltyrylǵan.

Atalǵan kólik jolaýshylarymen birge Aqtóbe oblystyq polıtsııa departamenti Hromtaý aýdandyq polıtsııa bólimine jetkizildi.



Avtor Janat Qapalbaeva
Basty sózder: Jol, Kólik, Zań, Aqtóbe oblysy, Oqıǵa,
Joǵary qaraı