Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Samuryq-Qazyna» qorynyń 7 top-menedjeri qyzmetinen ketti

2022 jyldyń 25 qańtar 2022 17:53

NUR-SULTAN. QazAqparat – «Samuryq-Qazyna» qorynyń 7 top-menedjeri qyzmetinen ketti, dep habarlaıdy QazAqpara «Samuryz-Qazyna» ál-aýqat qorynyń baspasóz qyzmetine silteme jasap.

Memleket basshysy tapsyrmalaryn iske asyrý boıynsha Іs-sharalar josparyna sáıkes, jazǵan aryzdarynyń negizinde búgin qyzmetinen bosatyldy:

Kravchenko Andreı Nıkolaevıch, Quqyqtyq súıemeldeý jáne táýekelder jónindegi basqarýshy dırektor – «Samuryq-Qazyna» AQ Basqarma múshesi.

Mankeev Muhtar Naýryzbaıuly, «Samuryq-Qazyna» AQ Korporatıvtik basqarý jáne áleýmettik-eńbek qatynastary jónindegi basqarýshy dırektor.

Dúrmaǵambetov Erlan Dmıtrıevıch, «Samuryq-Qazyna» AQ Strategııa, turaqty damý jáne tsıfrlyq transformatsııa jónindegi basqarýshy dırektor.

Tájiǵalıev Muhtar Ótepqalıuly, «Samuryq-Qazyna» AQ Aktıvterdi basqarý jónindegi teń-basqarýshy dırektor.

Espolov Bektenbaı Tilektesuly, «Samuryq-Qazyna» AQ Qoǵam jáne Úkimetpen baılanys jónindegi seriktes basqarýshy dırektory.

Túsipbekov Jannat Rashıduly, «Birikken hımııalyq kompanııa» JShS Basqarma tóraǵasy.

Qojaqov Qýat Asqarbekuly, «Samruk-Kazyna Trust» KQ Bas dırektory.

Portfeldik kompanııalarǵa korporatıvtik ortalyq qyzmetkerleriniń sanyn zań talaptaryna sáıkes eki ese qysqartyp, óndiristik qyzmetkerlerdiń jalaqysyn alǵashqy kezeńde ortasha salalyq kórsetkishterge deıin kóterý týraly keńes berildi.

Portfeldik kompanııalarǵa satyp alýlarǵa jaýapty barlyq basshylardy zań talaptaryna sáıkes qyzmetinen bosatyp, Qor tobyna repýtatsııalyq ári jemqorlyq qaýip tóndiretin barlyq qyzmetkerlerdi jumystan bosatý týraly keńes berildi.

Portfeldik kompanııalar birqatar qyzmetkerlerdi qysqartatynyn jetkizdi («QazMunaıGaz» UK» AQ – 78 adam, «Qazatomprom» UAK» UQ – 46 adam, «Qazaqstan Temir Joly» UK» AQ - 32 adam jáne basqalar).

Buǵan deıin jarııalanǵandaı, korporatıvtik ortalyq qyzmetkerleriniń sany eki ese qysqartyldy (shtattyq qyzmetter 177-den 124-ke deıin qysqartý, aýtstaffıng 71-den - tolyq joıý).

Basqarýshy qyzmetter 10-nan 5-ke deıin qysqardy. Qurylymdyq bólimder sany 27-den 18-ge deıin qysqardy.

«Samuryq-Qazyna» AQ Basqarmasynyń 2022 j. 24-shi qańtaryndaǵy sheshimimen «Samuryq-Qazyna Invest» JShS Bas dırektory A. K. Sultanovtyń, «Samruk-Kazyna Construction» AQ Basqarma tóraǵasy B.A. Sandyqbaevtyń, «Samuryq-Qazyna Kontrakt» JShS bas dırektory A.J. Aqylovtyń, «Samuryq-Qazyna Bıznes Servıs» JShS bas dırektory S.K. Elshibekovtyń ýákilettikteri merziminen buryn aıaqtalyp, olarmen eńbek qatynastary toqtatyldy.


Basty sózder: Ekonomıka, Qoǵam,
Joǵary qaraı