Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Samuryq-Qazyna» qorynyń 75% jýyq qyzmetkerleri koronavırýsqa qarsy egildi

2021 jyldyń 15 qyrkúıek 2021 15:52

NUR-SULTAN. QazAqparat - «Samuryq-Qazyna» ulttyq ál-aýqat qorynyń barlyq portfeldik kompanııalaryndaǵy qyzmetkerlerdiń 75% jýyq qyzmetkerleri koronavırýsqa qarsy vaktsına saldyrdy. Bul týraly búgin onlaın-brıfıngte Qordyń korporatıvtik basqarý jáne áleýmettik-eńbek qatynastary jónindegi basqarýshy dırektory Muhtar Mankeev málim etti, dep habarlaıdy QazAqparat.

«Búgingi kúnniń basty taqyryby árıne, koronavırýsqa qarsy kúres sharalary men vaktsına máselesi. Osyǵan qatysty naqty aqparat aıtsaq, qazirgi tańda Qorda jumys isteıtin qyzmetkerlerdiń sany 275 myńǵa jýyq adam, sonyń ishinde, 203 853 adam nemese qyzmetkerlerdiń 74,5% koronavırýsqa qarsy vaktsınanyń birinshi komponentin aldy. Ekinshi komponentin 182 myń adam nemese qyzmetkerlerdiń 66,6% alyp otyr», - dep habarlady Mankeev.

«Samuryq-Qazyna» qoryna qarasty porfeldi kompanııalardyń kóbi óndiriste jumys isteıtinin ataı kele, Mankeev eń aldymen óndiristegi qyzmetkerler ekpe alǵanyn habarlady.

«Birinshi orynda biz óndiristegi qyzmetkerlerdi vaktsınaladyq. Óıtkeni, bizdiń kompanııalardyń óndirisi eldiń ekonomıkasyna aıtarlyqtaı zor úles qosyp otyr. Ózderińiz biletindeı, qazir Qazaqstan ekonomıkasy pandemııadan keıin qaıta qalpyna kelip jatyr, sondyqtan, biz úshin óndiristi toqtatpaý mańyzdy. Kerek bolǵan jaǵdaıda, biz óndiris oryndarynda mobıldi vaktsınatsııalaý núktelerin ashtyq», - deıdi Mankeev.




Sonymen qatar, brıfıngte belgili bolǵandaı, vaktsınatsııalaý úlesin arttyrý úshin qazir vokzaldar men poıyzdarda ja mobıldi pýnkterin uıymdastyrý qarastyrylyp jatyr.

Mankeev sondaı-aq, «Samuryq-Qazyna» qory óz ishinde ǵana emes, búkil Qazaqstan boıynsha vaktsına saldyrý naýqanyna qandaı úles qosyp jatqanyn atap ótti.

«Memleket basshysynyń tapsyrmalaryn oryndaý aıasynda, halyqqa egý preparattaryn qoljetimdi etý úshin Qor BAÁ shyǵarǵan Hayat-Vax vaktsınasynyń 1 mln dozasyn satyp alýǵa qarjy bóldi. Ony bıylǵy jyldyń mamyr aıynda SK-Farmatsııa jetkizip, densaýlyq saqtaý Mınıstrliginiń jelisi boıynsha aımaqtarǵa taratty», - dedi sózin qorytyndylaǵan Mankeev.

Qor basshylyǵy qyzmetkerlerdiń ekpe alýǵa degen yntasyn oıatý úshin birqatar sharalardy qolǵa alǵan. Máselen, basshylyqtan bastap, qyzmetkerler arasynda #menekpealdym jáne #vaktsınatsııalanǵan chellendjderi uıymdastyrylǵan.

Aıta keteıik, Qordyń saıtynda kompanııalar tobyndaǵy vaktsına alǵan qyzmetkerlerdiń sany týraly schetchık jumys isteıdi. Sondaı-aq, qyzmetkerlerdi koronavırýsqa qarsy egilýge yntalandyrý úshin jyl saıynǵy aqyly eńbek demalysyna qosymsha demalys kúnderin qosý, kezekten tys aqyly demalys kúnderi berý, vaktsına salǵyzǵan qyzmetkerler arasynda utys oıyndaryn uıymdastyrý sııaqty sharalar ótken.


Joǵary qaraı