Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Samuryq-Qazyna» qyzmetkerleriniń sany 50% qysqartylatyn boldy

2022 jyldyń 24 qańtar 2022 16:43

NUR-SULTAN. QazAqparat - «Samuryq-Qazyna» Qorynyń jańa uıymdyq qurylymy bekitilip, qyzmetkerler sany 50% qysqartylatyn boldy, dep habarlaıdy sk.kz saıty.

Málimetke saı, tómendegideı ózgerister engizildi:
1. Jańa uıymdyq qurylym bekitildi. Oǵan sáıkes, Qor qyzmetkerleriniń sany eki ese, ıaǵnı, 248-den 124-ke deıin; al basqarýshy qyzmetter sany 10-nan 5-ke deıin qysqarady. Qurylymdyq bólimder sany 27-den 18-ge (33%) qysqartyldy; «keńesshi» qyzmetteri joıyldy. Qordyń sheteldegi ókildikterin jabý týraly sheshim qabyldandy. Qordyń jańa uıymdyq qurylymy resmı veb-saıtta jarııalanǵan.

2. Bıznes jolyndaǵy kedergilerdi joıýǵa baǵyttalǵan Tikeleı satyp alýdyń jańa tártibi men Qadaǵalaý, marketıng, jáne ımporttyń ornyn basý erejeleri aldyn-ala bekitilip, QR Qarjy mınıstrligi, QR Básekelestikti qorǵaý jáne damytý agenttigi jáne «Atameken» UKP-ge qarastyrýǵa jiberildi. Bir kózden satyp alýǵa negiz bolatyn faktorlar qysqartyldy. Atalǵan qujattardy Dırektorlar Keńesi qabyldaǵan soń Qordyń korporatıvtik ortalyǵy satyp alý ádistemesin daıyndaý, satyp alýlardy qadaǵalaý jáne baqylaý fýnktsııalaryn atqarady.

3. Portfeldik kompanııalarǵa «Samuryq-Qazyna» Qoryn reformalaý boıynsha QR Prezıdenti tapsyrmalaryn oryndaýdy qadaǵalaý jónindegi qujat jiberildi; jaýapty qyzmetkerler, iske asyrý merzimderi men qadaǵalaý ındıkatorlary anyqtaldy.

4. Sonymen qatar, «Samuryq-Qazyna» AQ Basqarmasynyń 2022 jylǵy 24 qańtaryndaǵy sheshimimen «Samuryq-Qazyna Invest» JShS Bas dırektory A. K. Sultanovtyń, «Samruk-Kazyna Construction» AQ Basqarma tóraǵasy B.A. Sandyqbaevtyń, «Samuryq-Qazyna Kontrakt» JShS bas dırektory A.J. Aqylovtyń, «Samuryq-Qazyna Bıznes Servıs» JShS bas dırektory S.K. Elshibekovtyń ýákilettikteri merziminen buryn aıaqtalyp, olarmen eńbek qatynastaryn toqtatý kelisildi.

Basqarma QR Úkimetine joldanatyn Qordy reformalaý baǵdarlamasyn daıyndaý merzemderin bekitti.

Aıta keteıik, Memleket basshysy Qasym-Jomart Toqaev Qazaqstannyń iri bıznes ókilderimen kezdesýinde «Samuryq-Qazyna» qorynyń basshysyna qatań talap qoıylǵanyn málimdegen edi.
Sondaı-au, endigi jerde Qazaqstan azamattaryna «Samuryq-Qazyna» qory aktıvterin ıelik etý múmkindigi berilmek. Bul jaıynda atalǵan qordyń basqarma tóraǵasy Almasadam Sátqalıev aıtty.




Joǵary qaraı