Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sanaqtan onlaın ótkender sany 6 mıllıonnan asty

2021 jyldyń 28 qyrkúıek 2021 17:35

NUR-SULTAN. QazAqparat - Sanaqtan onlaın ótkender qatary 6 mıllıonnan asty. Osylaısha búginde sanaqqa qatysqan halyq úlesi 31,8%-ti qurady, dep habarlaıdy QazAqparat Ulttyq statıstıka bıýrosynyń baspasóz qyzmetine silteme jasap.

28 qyrkúıekte saǵat 17:00-degi jaǵdaı boıynsha 6044448 respondent onlaın sanaqtan ótti. Olardyń 5223509-y sanaq.gov.kz saıtynda, 584586 adam Egov portalynda tirkelý arqyly jaýap berse, 236353 adam sanaqqa Aitu qosymshasy arqyly qatysty.

Onlaın sanaqtan ótkender sany boıynsha Túrkistan oblysy alda. Munda 799457 turǵyn sanaqtan ótkeni jaıly habarlama alǵan. Onlaın sanaqtan ótken taǵy 663522 adam Almaty oblysynda tirkelgen. Úzdik úshtikti Shyǵys Qazaqstan oblysy túıindedi. Munda 575409 adam sanaq saýaldaryna jaýap berdi.

Bul kórsetkish boıynsha ázirge sońǵy eki oryndy Mańǵystaý jáne Soltústik Qazaqstan oblystary enshilep tur. Bul óńirlerde sáıkesinshe 168158 jáne 148428 adam sanaqtan ótipti.

Al, jergilikti halyq sanyna shaqqandaǵy sanaqtan ótkenderdiń úlesi boıynsha Qyzylorda oblysy alda tur. Munda azamattardyń 47,6% saýaldarǵa jaýap bergen (1 tamyzdaǵy jaǵdaı boıynsha óńirde 823052 adam tirkelgen). Bul kórsetkish boıynsha Shyǵys Qazaqstan oblysy ekinshi orynda. Munda turǵyndardyń 42,3% búginge deıin sanaqtan onlaın rejımde ótken (1 tamyzdaǵy jaǵdaı boıynsha óńirde 1361163 adam tirkelgen).

Ulttyq statıstıka bıýrosy azamattardyń belsendiligi úshin alǵys aıta otyryp, sanaqty onlaın ótýge shaqyrady. sanaq.gov.kz saıty 15 qazanǵa deıin táýlik boıy qoljetimdi bolmaq. Onlaın sanaqtan ótpegender 1-30 qazan aralyǵynda ıntervıýerlerdiń saýaldaryna jaýap bere alady. Barlyq saýaldar boıynsha 1446 baılanys ortalyǵyna habarlasýǵa bolady. Qońyraý shalý tegin.


Basty sózder: Halyq sanaǵy, Statıstıka, Qoǵam,
Joǵary qaraı