Aýa raıy
Astana -21 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Saparbaev Tarazda páterlerdiń sýyq bolýyna qatysty jaýaptylardy synǵa aldy

2020 jyldyń 27 qarasha 2020 13:19

TARAZ. QazAqparat – Jambyl oblysynyń ákimi Berdibek Saparbaev arnaıy jıyn ótkizip, jylýmen qamtýǵa qatysty kemshilikterge jol bergen jaýapty tulǵalardy synǵa aldy, dep habarlaıdy QazAqparat tilshisi.

Bıyl Tarazda jylytý maýsymy merziminen sál erterek bastaldy. Áleýmettik nysandarǵa 1 qazannan, turǵyn úılerge 7 qazannan bastap jylý berilgen. Alaıda keıibir páterlerde jylymaı jatyr. Ótken aptada oblys ortalyǵynyń turǵyndary áleýmettik jelide jylýdyń nashar berilýine qatysty shaǵymdana bastaǵan.

Aımaq basshysy shuǵyl áreket etip, qala ákimdigi men salalyq basqarma basshylyǵyna bul máseleni jedel sheshýdi tapsyrdy. Arnaıy komıssııa 30-dan astam kóppáterli turǵyn úıdi tekserip, jaǵdaıdy anyqtady. Keıbir páterlerde temperatýra belgilengen eń tómengi kórsetkish 20 gradýstan tómen bolǵan.




Tekseris nátıjeleri beıne-selektorlyq rejımde ótken keńeste talqylandy. Onda oblys ákimi jylýmen qamtamasyz etýshi uıymdar men memlekettik organdardyń basshylaryna saýaldar joldady.

«TarazEnergoOrtalyq» AQ basshysy Ábýtálip Serikbaevtyń aıtýynsha, qalanyń birneshe shaǵyn aýdandarynda tehnıkalyq sebepterge baılanysty temperatýralyq rejım saqtalmaǵan.

Alaıda, búgingi kúni barlyq aqaýlar joıylyp, jylý normaǵa sáıkes berilýde.

«Aıazdy kúnder áli kelgen joq, al turǵyndar qazirdiń ózinde-aq páterindegi sýyqqa shaǵymdana bastady. Barlyq shaǵyn aýdandardan maǵan áleýmettik jeli arqyly shaǵym tústi. Qazir aýa-raıy jylı túsip, másele ózdiginen sheshile qaldy. Alaıda, naǵyz aıaz qysqanda ne isteısizder? Turǵyndardyń ótinishine jedel jaýap berýge mindettisizder. Sizder jáne basshylaryńyz úıler men áleýmettik nysandardy jeke tekserip shyǵýǵa tıissizder», - dep atap ótti Berdibek Saparbaev.

Qala ákiminiń orynbasary Ashat Esenalıev turǵyndardyń barlyq ótinishterine jaýap retinde sharalar qabyldanyp jatqanyn aıtyp, aqtalýǵa tyrysty.

«Jylý máseleleri birinshi ret talqylanyp otyrǵan joq. Jyly aýa-raıy basshylardy bosańsýyna sebep emes. Mundaı problemalar oblystyń keıbir aýdandarynda da kezdesedi. Jylýmen jabdyqtaýshy uıymdar óz mindetin tolyǵymen oryndaýy kerek. Sizderdiń mindetterińiz – osyny qadaǵalaý», - dedi Berdibek Saparbaev aýdan ákimderine tapsyrma júktep.

Sondaı-aq, ol qalalyq ákimdikke PIK basshylarymen birlesip, belsendi áreket etip, turǵyn úılerdiń jylytý maýsymyna aldyn-ala daıyndyǵyna basa nazar aýdarýdy tapsyrdy.

«Bul máselelerdiń barlyǵyn jedel sheshý kerek», - dep túıindedi aımaq basshysy.


Joǵary qaraı