Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Saparhan Omarov bıylǵy astyqtyń sapasyna qatysty túsinik berdi

2020 jyldyń 22 qyrkúıek 2020 09:31

NUR-SULTAN. QazAqparat – QR Aýyl sharýashylyǵy mınıstri Saparhan Omarov bıylǵy astyqtyń sapasyna qatysty túsinik berdi, dep habarlaıdy QazAqparat tilshisi.

«Jańa egin astyǵynyń sapasy joǵary kórsetkishterge de ıe ekenin baıqaýǵa bolady. Máselen, lıtsenzııalanǵan astyq qabyldaý kásiporyndaryna tapsyrylǵan jalpy bıdaı kóleminiń 83,8 paıyzy 1-3-synyptarǵa jatqyzyldy, bul kórsetkish 2019 jyly 67,2 paıyzdy quraǵan bolatyn», - dep túsindirdi mınıstr Úkimet otyrysynda.

Onyń sózine qaraǵanda, tıisinshe 4-5 synypty jáne synypsyz bıdaıdyń úlesi 2019 jylǵy 32,8 paıyzdan 16,2 paıyzǵa deıin tómendegen.

«Astyq qabyldaý kásiporyndaryna túsken astyq sapasy týraly derekterge sáıkes, dán mańyzy joǵary bıdaı úlesiniń edáýir óskeni baıqalýda, bul bıdaıdyń mańyzdy sapalyq kórsetkishteriniń biri bolyp sanalady. Standartqa sáıkes 3-synypty bıdaıdaǵy dán mańyzynyń mólsheri 23 paıyzdy quraýy tıis. Bıyl bul kórsetkish aıtarlyqtaı joǵarylady. Máselen, 3-synypty bıdaı kóleminde dán mańyzy 25-27 paıyz bolatyn astyq úlesi 25,4 paıyzǵa jetti.

2019 jyly bul kórsetkish 23,4 paıyzdy quraǵan edi. Al dán mańyzynyń mólsheri 28% jáne odan joǵary bolatyn joǵary sapaly, joǵary suranysqa ıe HI-Pro bıdaıynyń úlesi 59 paıyzǵa jetti, ótken jyly bul 42,8 paıyz bolatyn», - dedi S. Omarov.

Sapaly ónimniń alynýy memlekettiń ósimdik sharýashylyǵyna qoldaý kórsetý jónindegi maqsatty saıasatynyń arqasynda múmkin boldy.


Joǵary qaraı